ತಿಳ್ಸೊಣ್ಯೊ

1. ಆಜ್ ಸಾಧ್ಯಾ ಕಾಳಾಚೊ ತಿಸ್ರೊ ಆಯ್ತಾರ್ . ಹ್ಯಾ ಹಫ್ತ್ಯಾಂತ್ ಬುದ್ವಾರಾ , ಸಾಂ. ಫ್ರಾನ್ಸಿಸ್ ಸಾಲೆಸ್, ಬ್ರೆಸ್ತಾರಾ, ಭಾಗೆವಂತ್ ಪಾವ್ಲ್ ಧರ್ಮ್‍ಧುತಾಚಿ ಪರ್ತೊವ್ಣಿ, ಸನ್ವಾರಾ, ಬಾಗೆವಂತ್ ತಿಮೊಥಿ ಆನಿ ತೀತ್ ಹಾಂಚಿ ಪರಬ್.

2. ಹೊ ಆಯ್ತಾರ್ ದೆವಾಚ್ಯಾ ಉತ್ರಾಚೊ ಆಯ್ತಾರ್ ಜಾವ್ನ್ ಆಚರಣ್ ಕರ್ತಾಂವ್. ಆಮ್ಚ್ಯಾ ಘರಾಂನಿ ಪವಿತ್ರ್ ಪುಸ್ತಕ್ ಪ್ರತಿಷ್ಠಿತ್ ಜಾಗ್ಯಾರ್ ದವರ್ಚೊ. ಹರ್ಯೇಕಾ ಕುಟ್ಮಾಂತ್ ಆನಿ ಭುರ್ಗ್ಯಾಂ ಲಾಗಿಂ ಬೈಬಲಾಚಿ ಪ್ರತಿ ಆಸ್ಚೆ ಪರಿ ಪಳೆಂವ್ಚಿ. ಸಾಂಜೆಚಾ ಮಾಗ್ಣ್ಯಾ ವೆಳಾರ್ ಬೈಬಲಾ ಥಾವ್ನ್ ತ್ಯಾ ತ್ಯಾ ದೀಸಾಚೆಂ ದೇವಾಚೆಂ ಉತಾರ್ ವಾಚ್ಚಿ ಬರಿ ಸವಯ್ ಕುಟ್ಮಾಂತ್ ರುತಾ ಕರ್ಚಿ.

3. ಜನೆರ್ 18 ಥಾವ್ನ್ 25 ಮ್ಹಣಾಸರ್ “Unity Octave” (ಎಕ್ತಾರಾಚೊ ಅಷ್ಟವ್). ಆಮಿಂ ಆಚರ್ಸಿತಾಂವ್. ದೆಕುನ್ ಸರ್ವ್ ಕ್ರಿಸ್ತಿ ಲೋಕಾಚ್ಯಾ ಎಕ್ವಟಾ ಪಾಸತ್ ಆಮಿಂ ಮಾಗ್ಚೆಂ. ಯೆಂವ್ಚ್ಯಾ ಆಯ್ತಾರಾ ಆಮ್ಚ್ಯಾ ಫಿರ್ಗಜೆಚೆಂ ಫೆಸ್ತ್ ಆಸ್‍ಲ್ಲ್ಯಾನ್ ಆಮಿಂ “ಎಕ್ತಾರಾಚೊ ಆಯ್ತಾರ್ “ ಯಾ “Ecumenism Sunday” ಫೆಬ್ರವರಿಚ್ಯಾ 4 ತಾರೀಕೆರ್ ಆಯ್ತಾರಾ ಆಚರ್ಸಿತೆಲ್ಯಾಂವ್.

4. ಜನೆರಾಚ್ಯಾ 28 ತಾರೀಕೆರ್ ಯೆಂವ್ಚ್ಯಾ ಆಯ್ತಾರಾ ಆಮ್ಚ್ಯಾ ಫಿರ್ಗಜೆಚೆಂ ವ್ಹಡ್ಲೆಂ ಫೆಸ್ತ್. ದೆವಾನ್ ಆಮ್ಚೆ ವಯ್ರ್ ವೊತ್‍ಲ್ಲ್ಯಾ ಸರ್ವ್ ಕುರ್ಪೆ ದೆಣ್ಯಾಂಕ್ ಆರ್ಗಾಂ ದಿಂವ್ಚೊ ದೀಸ್. ತ್ಯಾ ದೀಸ್ ಸಕಾಳಿಂ 6.30 ವೊರಾಂಚೆ ಮೀಸ್ ಆಸ್ಚೆಂನಾ. ಪುಣ್ ಆದ್ಲ್ಯಾ ದಿಸಾ ಸನ್ವಾರಾ ಸಾಂಜೆರ್ 5.30 ವಾರಾರ್ ಮೀಸ್ ಆರ್ಸೆಂಚೆ ಪರಿ ಮೀಸ್ ಆಸ್ತೆಲೆಂ. ಕೊಣಾಕ್ ಆಯ್ತಾರಾಚ್ಯಾ ಫೆಸ್ತ್ ಮೀಸಾಕ್ ಯೆಂವ್ಕ್ ಜಾಯ್ನಾ, ತಾಣಿಂ ಸನ್ವಾರಾ ಸಾಂಜೆಚ್ಯಾ ಮಿಸಾಕ್ ಯೆಂವ್ಚೆಂ.

5. ಫೆಸ್ತ್ ಮೀಸಾಕ್ ದಿಯೆಸೆಜಿಚೆಂ ಮೊನ್ಶಿಜ್ಹೋರ್ ಮೆಕ್ಸಿಮ್ ನೊರೊನ್ಹಾ ಪ್ರಧಾನ್ ಯಾಜಕ್ ಜಾವ್ನಾಸ್ತಾಲೆ. ದೆಕುನ್ ಸರ್ವ್ ಫಿರ್ಗಜ್ ಗಾರಾಂನಿ 10 ವರಾಂಚ್ಯಾ ಫೆಸ್ತ್ ಮೀಸಾಕ್ ಯೇವ್ನ್ ಆಮ್ಚೊ ಎಕ್ವಟ್ ದಾಕಂವ್ಚೊ. ಹ್ಯಾ ಫೆಸ್ತಾಚೊ ಸಂದೇಶ್ ಜಾವ್ನಾಸ್ತಲೊ “ಬಾಳ್ ಮರಿಯೆಕ್ ಮಾನ್ ಕರ್ಯಾಂ, ಫಿರ್ಗಜ್ ಕುಟಾಮ್ ಬಾಂಧುನ್ ಹಾಡ್ಯಾಂ.

6. ಫೆಸ್ತಾಚಿ ಮಾಂಡಾವಳ್ ಹ್ಯಾ ಪರಿ ಆಸ್ತೆಲಿ:
ಸಕಾಳಿಂ 9.15 ವರಾರ್ ಔSS ಸಿಸ್ಟ್ರಾಂಚ್ಯಾ ಕೊವೆಂತಾ ಥಾವ್ನ್ ಬೇಂಡಾರ್ ಪುರ್ಶಾಂವಾರ್ ಇಗರ್ಜೆಕ್ ಯೆತೆಲ್ಯಾಂವ್. ದುಸ್ರ್ಯಾ ಫಿರ್ಗಜ್ಯಾಂನಿ ಪೆಸ್ತಾಚ್ಯಾ ಆದ್ಲ್ಯಾ ಆಯ್ತಾರಾ ಕೊಂಪ್ರಿಚೊ ಪುರ್ಶಾಂವ್ ಕಾಡ್ತಾತ್. ಆಮ್ಚ್ಯಾ ಫಿರ್ಗಜೆಂತ್ ತಾಚ್ಯಾ ಬದ್ಲ್ಯಾಕ್ ಆಮಿಂ ಮರ್ಯೆಕ್ ಮಾನ್ ಕರ್ನ್ ಹೊ ಪುರ್ಶಾಂವ್ ಕಾಡ್ತೆಲ್ಯಾಂವ್. ದೆಕುನ್ ಸರ್ವಾಂನಿ 9.15 ವರಾರ್ ಹ್ಯಾ ಪುರ್ಶಾಂವ್ OSS ಸಿಸ್ಟ್ರಾಂಚ್ಯಾ Compound ಂತ್ ಸಾಂಗಾತಾ ಮೆಳ್ಚೆಂ. ಆನಿ ಮರ್ಯೆಕ್ ಆಮ್ಚ್ಯಾ ಫಿರ್ಗಜೆಚ್ಯಾ ಪಾತ್ರೊನ್ ಮಾಯೆಕ್ ಮಾನ್ ಕರ್ಚೊ. ತ್ಯಾ ಉಪ್ರಾಂತ್ ಇಗರ್ಜೆಂತ್ ಫೆಸ್ತಾಕ್ ಫಿರ್ಜೆಂತ್ , ಮುಡ್ದೋಮ್ ಆನಿ sponsor ದಿಲ್ಲ್ಯಾಂಕ್ ಮನಾಚಿ ವಾತ್ ವಾಂಟ್ತೆಲ್ಯಾಂವ್. ಉಪ್ರಾಂತ್ 10 ವರಾರ್ ಸಂಭ್ರಮಿಕ್ ಮೀಸಾಚೆಂ ಬಲಿದಾನ್ ಆಸ್ತೆಲೆಂ

7. ಮಿಸಾ ಉಪ್ರಾಂತ್ ಗ್ರೌಂಡಾರ್ ಗೊವ್ಳಿಕ್ ಪರಿಷದ್ ತಶೆಂಚ್ ಐಸಿವೈಎಮ್ ಆನಿ ಹೆರ್ ಸಂಘ್ ಸಂಸ್ಥ್ಯಾಚ್ಯಾ ಸಾಂದ್ಯಾಂನಿ ಮೆಳೊನ್ ಫೆನ್ಸಿಫೆಟ್ ಆಸಾ ಕೆಲಾಂ. ವಿವಿಧ್ ಖೆಳ್ ಆನಿ ಫುಡ್ ಕೌಂಟರಾಂ ಆಸ್ತೆಲಿಂ. ಸರ್ವಾಂನಿ ಮಿಸಾ ಉಪ್ರಾಂತ್ ರಾವೊನ್ ಭಾಗ್ ಘೇವ್ನ್ ತುಮ್ಚೊ ಸಹಕಾರ್ ದಿಂವ್ಚೊ. ಗೇಮ್ಸ್ ಆನಿ ಫುಡ್ ಕೂಪನಾಂ ಆಲ್ತಾರ್ ಭುರ್ಗಿಂ ತುಮ್ಗೆರ್ ಹಾಡ್ನ್ ಯೆತೆಲಿಂ. ತಾಂಕಾಂ ತುಮಿಂ ಸಹಕಾರ್ ದಿಂವ್ಚೊ. ತಶೆಂಚ್ ಸಕಾಳಿಂ ಆನಿ ಸಾಂಜೆರ್ ಹೌಸಿ ಹೌಸಿ ಆಸ್ತೆಲೆಂ.

8. ಸಾಂಜೆರ್ 6.00 ವರಾರ್ ಸಾಂಸ್ಕøತಿಕ್ ಕಾರ್ಯೆಂ ಆಸ್ತೆಲೆಂ. ಎದೊಳ್‍ಚ್ಚ್ ಫಿರ್ಗಜೆಚ್ಯಾ ಸಂಘ- ಸಂಸ್ಥ್ಯಾಂನಿ ವಿವಿಧ್ ಮನೋರಂಜನಾಚಿಂ ಕಾರ್ಯೆಂ, ನಾಟ್ಕುಳೊ, ಡ್ಯಾನ್ಸ್ ಸರ್ವ್ ಆಸಾ ಕೆಲಾ. ತುಮಿಂ ಸರ್ವಾಂನಿ ಸಾಂಜೆಚ್ಯಾ ಸಾಂಸ್ಕøತಿಕ್ ಕಾರ್ಯಾಕ್ ಹಾಜರ್ ಜಾವ್ನ್ ಎಕ್ವಟಾನ್ ಫಿರ್ಗಜ್ ಫೆಸ್ತ್ ಆಚರಣ್ ಕರ್ಚೆಂ.

9. ಫೆಸ್ತ್ ಆಮಿಂ ಮರ್ಯೆಚ್ಯಾ ಮಾನಾಕ್ ಗದ್ದಳಾಯೆನ್ ಆಚರ್ಸಿತಾನಾ, ತುಮಿ ಜಾಣಾಂತ್, ಮಸ್ತ್ ಖರ್ಚ್‍ಯೀ ಪಡ್ತಾ. CITY ವಾರಾಡಾಚ್ಯಾ ಪಾದ್ರ್ಯಾಪಾಂಕ್ ಸೆಜಾರಿ ಕಾನ್ವೆಂಟಾಚ್ಯಾ ಸಿಸ್ಟ್ರಾಂಕ್ ಕಾರ್ಮೆಲ್ ಗುಡ್ಯಾಚ್ಯಾ ಸರ್ವ್ ಪ್ರಾದಿಂಕ್ ಆಪವ್ಣೆಂ ದಿಂವ್ಕ್ ಆಸಾ. ದೆಕುನ್ ಎದೊಳ್‍ಚ್ಚ್ ಥೊಡ್ಯಾಂನಿ Sponsor ಆನಿ ಮುಡ್ದೊಮ್ ದಿಲಾ. ತಾಂಕಾಂ ದೇವ್ ಬರೆಂ ಕರುಂ. ತಶೆಂಚ್ ಫೆಸ್ತಕ್ ಪಿರ್ಜೆಂತ್ ರಾವೊಂಕ್ ಉದಾರ್ ಮನಾನ್ ಮುಖಾರ್ ಯೇಂವ್ಕ್ ಆಮಿಂ ಉಲೊ ದಿತಾಂವ್ ಪಿರ್ಜೆಂತ್ – ಎಕ್ಲ್ಯಾಕ್ ರು. 25000/- ಆಶೆಂ ಚಾರ್ ಜಣಾಂನಿ ಮುಖಾರ್ ಯೇವ್ಯೆತ್.

ತಶೆಂಚ್ ಮುಡ್ದೊಮ್-ರು, 500/-. ಹೊ ಫಿರ್ಗಜೆಚ್ಯಾ ಹರ್ಯೆಕಾ ಕುಟ್ಮಾನ್ ಕಡ್ಡಾಯೆನ್ ಹ್ಯಾ ಹಪ್ತಾಂತ್ ದೀವ್ನ್ ತುಮ್ಚೊ ಸಹಾಕಾರ್ ದಿಂವ್ಚೊ.

10. ಫೆಸ್ತಾಕ್ ತಯಾರಾಯ್ ಜಾವ್ನ್ ಫಾಲ್ಯಾ/ಆಜ್ ಆಯ್ತಾರಾ ಸಾಂಜೆರ್ 3.30 ವೊರಾರ್ ಇಗರ್ಜೆ ಆನಿ ಗ್ರೌಂಡ್ ನಿತಳಾಯ್ ಕರುಂಕ್ ಆಸ್ತೆಲೆ. ಸರ್ವ್ ಫಿರ್ಗಜ್‍ಗಾರಾಂನಿ ಹಾಜರ್ ಜಾಂವ್ಚೆಂ. ತಶೆಂಚ್ ಸುಕ್ರಾರಾ ಜನವರಿ 26 ತಾರೀಕೆರ್ ಸಾಂಜೆರ್ ಬಂಟಿಂಗ್ಸ್ ಘಾಲುಂಕ್ ಆಸ್ತೆಲೆಂ. ತಾಕಾಯೀ ತುಮಿಂ ಯೆಂವ್ಚೆಂ. ಫೆಸ್ತಾಚ್ಯೊ ಹೆರ್ ಜವಾಬ್ದಾರಿ ಆಮಿಂ ವಾಂಟುನ್ ದಿಲ್ಯಾತ್ ಸರ್ವಾಂನಿ ತುಮ್ಚೊ ಸಹಕಾರ್ ದಿಂವ್ಚೊ.

11. ಫಾಲ್ಯಾ/ ಆಜ್ ಆಮ್ಚ್ಯಾ ಫಿರ್ಗಜೆಚ್ಯಾ ICYM ಸಾಂದ್ಯಾಂನಿ Inter Parish Football ಪಂದ್ಯಾಟ್ ಆಸಾ ಕೆಲಾ. ಹೊ ಪಂದ್ಯಾಟ್ ಬೊರ್ಯಾ ಥರಾನ್ ಜಾಂವ್ಕ್ ಮಾಗ್ಯಾಂ.

12. ಉತ್ಪತಿ ಗ್ರಂಥಾ ವಯ್ರ್ ಬೈಬಲ್ ಕ್ವಿಜ್ ಎದೊಳ್‍ಚ್ಚ್ ತುಮ್ಕಾ ದಾಡ್ಲಾ. ತುಮಿಂ ಹಾಂತು ವಾಂಟೊ ಘೆವ್ನ್ ವೆಗ್ಗಿಂಚ್ ತುಮ್ಚೊ ಜವಾಬ್ ದಾಡ್ಚೊ.

13. ಬಜ್ಜೋಡಿಚೊ ಕುರೊವ್ ಮಾರ್ಚಾಚ್ಯಾ ಪಾಸ್ಕಾಂಚೊ ಅಂಕ್ಯಾಕ್ ವರ್ಧ್ಯೋ, ಲೆಖನಾಂ, ಕವನಾ, ಜಾಹಿರಾತಾಂ ಫೆಬ್ರವರಿ 29 ತಾರಿಕೆ ಬಿತರ್ ದಿಂವ್ಕ್ ವಿನಂತಿ.

14. ಮಂಗಳ ಜ್ಯೋತಿ ಥಾವ್ನ್ ಥೊಡ್ಯೊ ತಿಳ್ಸೊಣ್ಯೊ. ದಿಯೆಸೆಜಿಚ್ಯಾ ಪವಿತ್ರ್ ಪುಸ್ತಕ್ ಆಯೋಗಾನ್ 2024 ಫೆಬ್ರೆರಾಚ್ಯಾ ಆನಿ ಮಾರ್ಚ್ ಮಹಿನ್ಯಾಚ್ಯಾ ಆಯ್ತಾರಾಂನಿ ಸಾಂಜೆರ್ 3 ಥಾವ್ನ್ 6 ವರಾಂ ಪರ್ಯಾಂತ್ ಜುವಾಂವ್ಚ್ಯಾ ವಾಂಜೆಲಾಚೆರ್ ಬೈಬಲ್ ಕ್ಲಾಸ್ ಮಾಂಡುನ್ ಹಾಡ್ಲ್ಯಾ. ಹಾಂತು ವಾಂಟೆಲಿ ಜಾಂವ್ಕ್ ವತ್ತಾಯೆಚೊ ಉಲೊ ಆಸಾ.

15. ತಶೆಂಚ್ ದಿಯೆಸೆಜ್ ಹಂತಾರ್ ಜನೆರಾಚ್ಯಾ 26 ತಾರೀಕೆರ್ ಸಾಂಜೆರ್ 8 ಥಾವ್ನ್ 8.30 ಪರ್ಯಾಂತ್ ಜುವಾಂವ್ಚ್ಯಾ ವಾಂಜೆಲಾಚೆರ್ ಒನ್‍ಲೈನ್ ಕ್ವಿಜ್ ಆಸಾ ಕೆಲಾ. ಹ್ಯಾ ಸರ್ವಾಚೊ ವಿವರ್ Notice Board ಚೆರ್ ಆಸಾ. ತಶೆಂ YCS ಭುರ್ಗಿಂ ಜೆಜುಚಿ ಸುವಾರ್ತಾ ನಿಯಾಳಾಚ್ಯಾ ಕಡ್ತಿಲೆಕ್ ವರ್ಗಣಿ ಜಮೊ ಕರ್ತಾನಾ ತುಮ್ಚೊ ಸಹಕಾರ್ ದಿಂವ್ಚೊ.

16. ಕುಟ್ಮಾ ಜಿಣಿಯೆ ಕೇಂದ್ರ ಸಂಗಿಂ ಮೆಳೊನ್ ಮಾಂಡುನ್ ಹಾಡ್ತಾ ಎಕಾ ದಿಸಾಚೆ ತನ್ರ್ಯಾ ಕಾಜಾರಿ ಜೊಡ್ಯಾಚೆಂ ಕಾರ್ಯಕ್ರಮ್ Beloved”. ಹೆಂ ಕಾರ್ಯೆಂ ಸಾಂ. ಆಂತೊನಿಚ್ಯಾ ಆಸ್ರ್ಯಾಂತ್, ‘ಸಂಭ್ರಮ್’ ಎ.ಸಿ ಹೊಲಾಂತ್ ಫೆಬ್ರರ್ 4 ತಾರ್ಕೆರ್ 2024, ಆಯ್ತಾರಾ ಸಕಾಳಿಂ 8.30 ವರಾಂ ಥಾವ್ನ್ ಸಾಂಜೆರ್ 4.30 ವರಾಂ ಪರ್ಯಾಂತ್ ಚಲ್ತಲೆಂ.. ಚಡಿತ್ ವಿವರಾಕ್ ಮೋಟಿಸ್ ಬೋರ್ಡ್ ಪಳೆಯಾತ್.

17. ಸಗ್ಳೊ ಹಫ್ತೊ ತೇರ್ಸ್, ಲಿತುರ್ಜಿ ಚಲವ್ನ್ ವ್ಹೆಲ್ಯಾ ವೆಲಂಕಣಿ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ. ಯೆಂವ್ಚ್ಯಾ ಆಯ್ತಾರಾ ಜನವರಿ 28 ತಾರೀಕೆರ್ ಫಿರ್ಗಜೆಚೆಂ ಫೆಸ್ತ್ ಜಾಲ್ಲ್ಯಾನ್ ಭುರ್ಗ್ಯಾಂಚಿ ದೊತೊರ್ನ್ ಆನಿ 9.15 ವರಾಂಚೆಂ ಭುರ್ಗ್ಯಾಂಚೆಂ ಮೀಸ್ ಆಸ್ಚೆಂನಾಂ. ಆಯ್ತಾರಾ ಜನವರಿ 28 ತಾರೀಕೆರ್ 10.00 ವರಾಂಚ್ಯಾ ಮೀಸಾಚಿ ದೇವ್ ಸ್ತುತಿ ಗೊವ್ಳಿಕ್ ಪರಿಷದ್ ಸಾಂದ್ಯಾಂನಿ ಕರ್ಚಿ. ತಶೆಂಚ್ ಗೊವ್ಳಿಕ್ ಪರಿಷದೆಚ್ಯಾ ಸಾಂದ್ಯಾಂನಿ ಆನಿ ಹೆರ್ ಫಿರ್ಗಜ್‍ಗಾರಾಂನಿ ಫೆಸ್ತಾಚ್ಯಾ ಮೀಸಾಕ್ ಕಾಣಿಕೊ ಹಾಡ್ಚೊ. ಹಫ್ತ್ಯಾ ಮಧೆಂ ಸಾಂ. ಆಂತೊನ್ ವಾಡ್ಯಾಗಾರಾಂನಿ ಲಿತುರ್ಜಿ ಚಲವ್ನ್ ವರ್ಚಿ; ಆನಿ ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ. (ಹ್ಯಾ ಆಯ್ತಾರಾ ದೇವ್ ಸ್ತುತಿ ಚಲವ್ನ್ ವ್ಹೆಲ್ಯಾ ನೊವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂಕ್ ಆನಿ ವೆದಿ ಸೆವಾ ಕೆಲ್ಲ್ಯಾ ಸತ್ವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂಕ್ ದೇವ್ ಬರೆಂ ಕರುಂ)

18. ಆಮ್ಚ್ಯಾ ಸರ್ವ್ ಧಾನಿ ಆನಿ ಹಿತಚಿಂತಕಾ ಪಾಸತ್ ಜೆಜು ಆನಿ ಬಾಳ್ ಮರಿಯೆ ಲಾಗಿಂ ಮಗೊಕ್ ಏಕ್ ಆಮ್ಚ್ಯಾ ಬಾಪಾ ಏಕ್ ನಮಾನ್ ಮರ್ಯೆ ಮ್ಹಣ್ಯಾಂ.

Home | About Us | Sitemap | Contact

Copyright © 2013 - www.infantmarychurch.org. Powered by eCreators

Contact Us

INFANT MARY CHURCH
Bajjodi, Bikarnakatte,
Mangalore - 575 005, India

Contact : +91 97403 16900