ಸಗ್ಳೊ ಹಫ್ತೋ ದೇವ್‍ಸ್ತುತೆಚೆಂ ಮುಕೇಲ್ಪಣ್ ಘೆತ್‍ಲ್ಲ್ಯಾ ಕಾರ್ಮೆಲ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಬಾಳೊಕ್ ಜೆಜು ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಬಾಳ್ ಮರಿ ವಾಡ್ಯಾಚ್ಯಾ ಯುವಜಣಾಂನಿ ಆನಿ ದುಸ್ರ್ಯಾ ಮಿಸಾಕ್ ಸೆಕುಲರ್ ಕಾರ್ಮೆಲ್ ಸಾಂದ್ಯಾನಿ ದೇವ್‍ಸ್ತುತೆಕ್ ಮಾಂಡಾವಳ್ ಕರ್ಚಿ.
ಆಜ್ ಸಾಂಜೆರ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸಾ. ತೆಸಾಂವ್:ದೇಶಾ ಪಾಸತ್
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಅಕ್ಟೋಬರ್ 01: ಜೆಜುಚೆಂ ಲ್ಹಾನ್ ಫುಲ್ ತೆರೆಜೆಚೆ ಫೆಸ್ತ್(ದೇವ್‍ಸ್ತುತಿ:ಲ್ಹಾನ್ ಫುಲ್ ವಾಡ್ಯಾಚಿ) ಅಕ್ಟೋಬರ್ 02: ರಾಕಣ್ ಭಡ್ವ್ಯಾಂಚೆಂ ಫೆಸ್ತ್, ಅಕ್ಟೋಬರ್ 04:ಅಸ್ಸಿಸಿಚೊ ಸಾಂ ಫ್ರಾನ್ಸಿಸ್.
ಅಕ್ಟೋಬರ್ 7 ಆನಿ 8 ತಾರಿಕೆರ್ ಧಾವಿ ಕ್ಲಾಸಿಚ್ಯಾ ಭುರ್ಗ್ಯಾಂಕ್ ಜೀವನ್ ಜ್ಯೋತಿ ಶಿಬಿರ್ ವಾಮಂಜೂರ್ ಫಿರ್ಗಜ್ ಸಾಲಾಂತ್ ಆಸ್ತೆಲೆಂ. ಭುರ್ಗ್ಯಾಂನಿ ಚುಕಾನಾಸ್ತಾ ಹಾಜರ್ ಜಾಂವ್ಕ್ ವಿನಂತಿ.
ಯೆಂವ್ಚೊ ಮಹಿನೊ ಮಿಸಾಂವಾಂಚೊ ವಿಶೇಷ್ ಮಹಿನೊ. ಪಾಪಾ ಬೆನೆಡಿಕ್ಟ್ ಪಂದ್ರಾವ್ಯಾಚೆಂ ಆಪೊಸ್ತಲಿಕ್ ಪತ್ರ್ “ಮ್ಯಾಕ್ಸಿಮುಮ್ ಇಲ್ಲುದ್” ಹಾಚೆಂ ಶೆಂಬರಾವೆಂ ವರಸ್ ಸಂಭ್ರಮುಂಕ್ ಹೊ ಏಕ್ ವಿಶೇಷ್ ಮಹಿನೊ ಮ್ಹಣ್ ಪಾಪಾ ಪ್ರಾನ್ಸಿಸಾನ್ ಕಳಯ್ಲಾಂ. ಹಾಚೆ ಉಗ್ತಾವಣ್ ಫಾಲ್ಯಾಂ ಭುರ್ಗ್ಯಾಂಚಾ ಮಿಸಾ ವೆಳಾರ್ ಕರ್ತೆಲ್ಯಾಂವ್. ಮಿಸಾಂವಾ ಖಾತಿರ್ ಮಾಗೊಂಕ್ ಕಡ್ತಿಲ್ತೆಂತ್ಲೆಂ ಮಾಗ್ಣೆಂ ಹರ್ಯೇಕಾ ಕುಟ್ಮಾಕ್ ದಿತೆಲ್ಯಾಂವ್ ತೆಂ ತುಮಿ ಸಾಂಜೆಚಾ ಕುಟ್ಮಾಚಾ ಮಾಗ್ಣ್ಯಾ ವೆಳಾರ್ ಮ್ಹಣ್ಚೆಂ. ಹೆಂಚ್ ಮಾಗ್ಣೆಂ ಹರ್ಯೇಕಾ ದಿಸಾ ಸಾಂಜೆಚಾ ಮಿಸಾ ಉಪ್ರಾಂತ್ ಮ್ಹಣ್ತೆಲ್ಯಾಂವ್.
ಹಾಂಗಸರ್ ಸೊಮಾರಾ ಥಾವ್ನ್ ಸುಕ್ರಾರಾ ಪರ್ಯಾಂತ್ ಮಿಸಾಂ ಸಾಂಜೆಚಿ ಆಸಾತ್. ಆಮ್ಕಾಂ ಆಯ್ತಾರಾಚೆ ಏಕ್ ಮೀಸ್ ಸನ್ವಾರಾ ಸಾಂಜೆರ್ ಆಸ್‍ಲ್ಲ್ಯಾನ್ ಸನ್ವಾರಾಚಾ ದಿಸಾಚೆ ಮೀಸ್ ಕರುಂಕ್ ಸಾಧ್ಯ್ ಜಾಂವ್ಕ್ ನಾ. ದೆಕುನ್ ಯೆಂವ್ಚ್ಯಾ ಮಹಿನ್ಯಾ ಥಾವ್ನ್ ಹರ್ಯೇಕಾ ಸನ್ವಾರಾ, ಸನ್ವಾರಾಚಾ ದಿಸಾಚೆ ಮೀಸ್ ಸಕಾಳಿಂ 6.30ವೊರಾರ್ ಆಸ್ತೆಲೆಂ. ಹೆರ್ ಮಿಸಾಂ ಆಸಾ ತಶಿಂ ಆಸ್ತೆಲಿಂ.
ಬಿಸ್ಪಾಚಾ ಪತ್ರಾಚೊ ಮಟ್ವೊ ವಿವರ್: ಮಂಗ್ಳುರ್ ದಿಯೆಸೆಜಿಂತ್ ಫಿರ್ಗಜಾಂನಿ ಪಾಟ್ಲ್ಯಾ ತೀನ್ ವರ್ಸಾಂ ಥಾವ್ನ್ ಜಾರಿಯೆಕ್ ಆಸ್ಚಿ ಗೊವ್ಳಿಕ್ ಪರಿಷದೆಚಿ ಆವ್ದಿ 2019 ದಶೆಂಬರ್ ಮಹಿನ್ಯಾಕ್ ಸಂಪ್ತಾ. ದೆಕುನ್ ಆಕ್ಟೋಬರ್ 1 ತಾರಿಕೆ ಉಪ್ರಾಂತ್ ಚುನಾವ್ ಸಮಿತಿ ರಚುನ್, ನವಿ ಫಿರ್ಗಜ್ ಗೊವ್ಳಿಕ್ ಪರಿಷದ್, ಆರ್ಥಿಕ್ ಸಮಿತಿ ಆನಿ ಹೆರ್ ಸಮಿತಿ ನವ್ಯಾನ್ ರಚುಂಕ್ ಬಿಸ್ಪಾನ್ ಉಲೊ ದಿಲಾ. 2020 ಜನೆರ್ 1 ತಾರಿಕೆರ್ ಥಾವ್ನ್ ಹ್ಯೊ ನವ್ಯೊ ಸಮಿತಿ ಆಸ್ತಿತ್ವಾಕ್ ಯೆತಲ್ಯೊ.
ರಚನೆಚಿ ಪ್ರಕ್ರಿಯಾ ಹ್ಯಾ ಪರಿ ಆಸ್ತೆಲಿ: 2019 ಆಕ್ಟೋಬರ್ 1 ತಾರಿಕೆ ಥಾವ್ನ್ ಫಿ.ಗೊ.ಪ. ತಾಚೆ ಹುದ್ದೆದಾರ್, ಆರ್ಥಿಕ್ ಸಮಿತಿ ಆನಿ ಹೆರ್ ಸಮಿತಿಚೆ ರಚನ್. 2020 ಮಾರ್ಚ್ 31 ತಾರಿಕೆ ಭಿತರ್ ವಾರಾಡೊ ಗೊವ್ಳಿಕ್ ಪರಿಷದ್ ರಚನ್ 2020 ಮೇ 31 ತಾರಿಕೆ ಭಿತರ್ ದಿಯೆಸೆಜಿಚೆ ಗೊವ್ಳಿಕ್ ಪರಿಷದ್ ರಚನ್. ವಿಂಚುನ್ ಆಯಿಲ್ಲ್ಯಾ ನವ್ಯಾ ಗೊವ್ಳಿಕ್ ಪರಿದೆಚೆಚೊ ವಿವರ್ ದಶೆಂಬರ್ 15 ತಾರಿಕೆ ಭಿತರ್ ಬಿಸ್ಪಾಚ್ಯೆ ಮಂಜೂರಾತೆಕ್ ದಾಡುಂಕ್ ಬಿಸ್ಪಾನ್ ವಿನಂತಿ ಕೆಲ್ಯಾ. ಹೊ ವಿವಿರ್ ಆಮಿ ಮತಿಂತ್ ದವರ್ಚೊ ಆನಿ ತುಮ್ಚೊ ಸಹಕಾರ್ ದಿಂವ್ಚೊ.
ಆಕ್ಟೋಬ್ರ್ 2 ತಾರಿಕೆರ್ ಬುದ್ವಾರಾ ಲ್ಹಾನ್ ಕ್ರೀಸ್ತಿ ಸಮುದಾಯಾಚಿ ಜಮಾತ್ ಆಸ್ತೆಲಿ. ವಾಡ್ಯಾಚಾ ಪ್ರೇರಕಾಂನಿ ತಶೆಂಚ್ ಸರ್ವ್ ವಾಡ್ಯಾಚಾ ಗುರ್ಕಾರಾಂನಿ ಹಾಜರ್ ಜಾಂವ್ಕ್ ವಿನಂತಿ.
ಕರ್ನಾಟಕ್ ಗೊಂಯ್ ಪ್ರಾಂತ್ಯ್ ಸೆಕುಲರ್ ಕಾರ್ಮೆಲಿತ್ ಒಡ್ದಿಚೊ ಕೊಂಕ್ಣಿ ಸಮುದಾಯಾಂಚೊ ಸಮ್ಮೇಳ್ ಆಕ್ಟೋಬ್ರ್ 5 ಆನಿ 6 ತಾರಿಕೆರ್‍ಪಾಸ್ಟರಲ್ ಇನ್‍ಸ್ಟಿಟ್ಯೂಟ್ ಜ್ಯೋತಿ ನಿವಾಸ್ ಹೊಲಾಂತ್ ಚಲ್ತಲೊ. ಯೆಂವ್ಚ್ಯಾ ಆಯ್ತಾರಾ 9.15ವೊರಾರ್ ಕರ್ನಾಟಕ್ ಗೋಂಯ್ ಪ್ರಾಂತ್ಯಾಚೆ ಪ್ರಾಂತೀಯ್ ವ್ಹಡಿಲ್ ಬಾಪ್ ಚಾಲ್ರ್ಸ್ ಸೆರಾವೊ ಹ್ಯಾ ಸಮ್ಮೇಳನಾಚೆ ಸಂಭ್ರಮಿಕ್ ಮೀಸ್ ಭೆಟಯ್ತೆಲೆ.
ಹ್ಯಾ ಆಯ್ತಾರಾ ಭುರ್ಗ್ಯಾಂಕ್ ದೊತೊರ್ನ್ ಆಸಾ. ಯೆಂವ್ಚ್ಯಾ ಆಯ್ತಾರಾ ಥಾವ್ನ್ ದೊತೊರ್ನ್ ನಾ ಪೂಣ್ ಭುರ್ಗ್ಯಾಂಚೆ ಮೀಸ್ ಆಸಾ. ರಜೆ ದಿಸಾಂನಿ ತಶೆಂಚ್ ಆಯ್ತಾರಾ ಭುರ್ಗ್ಯಾಂನಿ ಮಿಸಾಕ್ ಹಾಜರ್ ಜಾಂವ್ಕ್ ವ್ಹಡಿಲಾಂನಿ ಪ್ರೋತ್ಸಾಹ್ ದಿಂವ್ಚೊ. ಫಾಲ್ಯಾಂ ಭುಗ್ರ್ಯಾಂಚಾ ವ್ಹಡಿಲಾಂನಿ ಕ್ಲಾಸ್ ಟಿಚೆರೆಕ್ ಮೆಳೊನ್ ಘಲಿತಾಂಶ್ ಘೆವ್ನ್ ತಾಣಿಂ ಕಾಡ್‍ಲ್ಲ್ಯಾ ಪ್ರಯತ್ನಾಕ್ ಶಾಬಾಸ್ಕಿ ಪಾಟೊಂವ್ಚಿಂ. ಆದ್ಲ್ಯಾ ಆಯ್ತಾರಾ ಕಾರಣಾನಿಮ್ತಿಂ ಹಾಜರ್ ಜಾಯ್ನಾತ್ಲ್ಯಾ ಭುರ್ಗ್ಯಾಂನಿ ಫಾಲ್ಯಾಂ ಪರೀಕ್ಷಾ ಬರೊಂವ್ಚಿಂ. ಉಣೆಂ ಅಂಕ್ ಕಾಡ್‍ಲ್ಲ್ಯಾ ಭುಗ್ರ್ಯಾಂಕ್ ಪರೀಕ್ಷಾ ಆಕ್ಟೋಬರ್ 20 ತಾರಿಕೆರ್ ಆಯ್ತಾರಾ ಆಸ್ತೆಲಿ.
ಅಕ್ಟೋಬರ್ ಮಹಿನೊ ರೊಜಾರ್ ಮಾಯೆಕ್ ಸಮರ್ಪಿಲ್ಲೊ ಮಹಿನೊ ಜಾಲ್ಲ್ಯಾನ್ ಘರಾಂನಿ ಚುಕಾನಾಸ್ತಾಂ ತೇರ್ಸ್ ಕರುನ್ ಅತ್ಮಿಕ್ ಬರೆಂಪಣ್ ಜೋಡ್ನ್ ಘೆಂವ್ಚೆಂ.
ಸಂದೇಶಾಂತ್ ಅಕ್ತೋಬರ್ 1 ತಾರಿಕೆ 12 ತಾರಿಕೆ ಪರ್ಯಾಂತ್ ಭುರ್ಗ್ಯಾಂಕ್ ದಸರಾ ರಜೆ ಶಿಬಿರ್ ಮಾಂಡುನ್ ಹಾಡ್ಲಾಂ. ಆಸಕ್ತ್ ಆಸ್‍ಲ್ಲ್ಯಾ ಭುರ್ಗ್ಯಾಂನಿ ಹಾಚೊ ಫಾಯ್ದೊ ಜೊಡ್ಚೊ.
ನಮಾನ್ ಬಾಳೊಕ್ ಜೆಜು ಪತ್ರ್ ಮಾಂಡುನ್ ಹಾಡ್ತಾ ಭುರ್ಗ್ಯಾಂ ಖಾತಿರ್ ಕಾಣಿ ಕಾಣಿ ಕಾಂತ್ತಾ ಸ್ಪರ್ಧೊ ಅಕ್ಟೋಬರಾಚ್ಯಾ 9ತಾರಿಕೆರ್ ದನ್ಪಾರಾಂ 2ವೊರಾರ್, ಬಿಕರ್ಣಕಟ್ಟೆ ಪೂನ್‍ಶೆತಾಚ್ಯಾ ಹೊಲಾಂತ್ ಆಸಾ ಕೆಲಾ. ವ್ಹಡಿಲಾಂನಿ ಭುರ್ಗ್ಯಾಂಕ್ ಪೆÇ್ರೀತ್ಸಾಹ್ ದಿಂವ್ಚೊ.
ಮೇಗಾ ಹೆಲ್ತ್ ಎಕ್ಸ್‍ಪೊ 2019 ಆಕ್ಟೋಬ್ರ್ 1 ತಾರಿಕೆರ್ ಸಕಾಳಿಂ 10ವೊರಾ ಥಾವ್ನ್ ಸೈಂಟ್ ಆಗ್ನೆಸ್ ಗೌಂಡ್ರಾರ್ ಆಸಾ ಕೆಲಾ. ಚಡಿತ್ ವಿವರ್ ನೋಟಿಸ್ ಬೊರ್ಡಾರ್ ಪಳೆಂವ್ಚೊ.