ಸಗ್ಳೊ ಹಫ್ತೋ ದೇವ್ ಸ್ತುತೆಚೆಂ ಮುಕೇಲ್ಪಣ್ ಘೆತ್‍ಲ್ಲ್ಯಾ ಅವಿಲಾಚಿ ಸಾಂ. ತೆರೆಜ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಲೂಡ್ಸ್ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಸಾಂ.ಜುಜೆ ವಾಡ್ಯಾಚ್ಯಾ ಐಸಿವೈಎಮ್ ಯುವಜಣಾಂನಿ ಆನಿ ದುಸ್ರ್ಯಾ ಮಿಸಾಕ್ ಒಎಸ್‍ಎಸ್ ಕೊವೆಂತಾಚ್ಯಾ ಭುರ್ಗ್ಯಾಂನಿ ಮಾಂಡಾವಳ್ ಕರ್ಚಿ.
ಯೆಂವ್ಚ್ಯಾ ಆಯ್ತಾರಾ ಪಯ್ಲ್ಯಾ ಮಿಸಾ ಉಪ್ರಾಂತ್ ಐಸಿವೈಯಮ್ ಸಾಂದ್ಯಾಂಚೆಂ ಮೀಟಿಂಗ್ ಆಸ್ತೆಲೆಂ.
ಆಜ್ ಸಾಂಜೆರ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸಾ. ಹ್ಯಾ ವೆಳಾರ್ ಫಿರ್ಗಜೆಚ್ಯಾ ಯೋಜನಾಂ ಪಾಸತ್ ಮಾಗ್ತೆಲ್ಯಾಂವ್.
ವಾಡ್ಯಾವಾರ್ ಫಾತ್ರಾ ಥಾವ್ನ್ ಕಲಾಕೃತಿ ಸ್ಪರ್ಧೊ ಫಾಲ್ಯಾಂ/ಆಜ್ ಸಾಂಜೆರ್ ಚಲ್ತಲೊ. ಸ್ಪರ್ಧಿಕಾಂನಿ 3.15ವೊರಾರ್ ಹಾಜರ್ ಜಾಂವ್ಕ್ ವಿನಂತಿ.
ಫಿರ್ಗಜ್ ಪತ್ರ್ ಬಜ್ಜೋಡಿಚೊ ಕುರೊವ್ ಮೊಂತಿ ಫೆಸ್ತಾಕ್ ಪಾಯ್ಸ್ ಜಾತಾ. ಮರಿ ಆನಿ ಪ್ರಕೃತೆಕ್ ಸಂಬಂಧ್ ಜಾಲ್ಲಿ ಲೇಖನಾಂ, ಮಟ್ವ್ಯೊ ಕಾಣಿಯೊ, ಕವನಾಂ, ಪಿಂತುರಾ, ವಾಡ್ಯಾಂತ್ಲ್ಯೊ ವರ್ದ್ಯೊ ತಶೆಂಚ್ ಪತ್ರಾಕ್ ಜಾಹೀರಾತಾಂ ಆಗೊಷ್ಟಾಚಾ 15 ತಾರಿಕೆ ಭಿತರ್ ದಾಡುಂಕ್ ವಿನಂತಿ. ಭುರ್ಗ್ಯಾಂಕ್ ಪ್ರಕೃತೆವಿಶಿಂ ಲ್ಹಾನ್ ಲ್ಹಾನ್ ಮಟ್ವಿಂ ಲೇಖನಾಂ ಬರೊಂವ್ಕ್ ವ್ಹಡಿಲಾಂನಿ ಪ್ರೋತ್ಸಾಹ್ ದಿಂವ್ಚೊ.
ಮುಕ್ಲ್ಯಾ ಹಪ್ತ್ಯಾಂತ್ ಎಸ್‍ವಿಪಿಚೆ ಸಾಂದೆ ತುಮ್ಚ್ಯಾ ಘರಾಂನಿ ಯೆತಲೆ. ಸರ್ವ್ ಫಿರ್ಗಜ್‍ಗಾರಾಂನಿ ತಾಂಣಿಂ ಸ್ವಖುಶೆನ್ ಕರ್ಚ್ಯಾ ಸೆವೆಚಾ ಕಾಮಾಕ್ ದುಡ್ವಾ ಕುಮೊಕ್ ದೀಂವ್ಕ್ ವಿನಂತಿ. ಜಾಯ್ತ್ಯಾ ಆಮ್ಚ್ಯಾ ಫಿರ್ಗಜೆಚಾ ಗರ್ಜೆವಂತ್ ಕುಟ್ಮಾಕ್ ಶಿಕ್ಪಾಕ್, ಮೆಡಿಕಲ್ ತಶೆಂಚ್ ರೇಶನ್ ಎಸ್‍ವಿಪಿ ಸಂಘಾ ಥಾವ್ನ್ ಮೆಳ್ತಾ. ದೆಕುನ್ ಹ್ಯಾ ಬರ್ಯಾ ಕಾಮಾಕ್ ಉದಾರ್‍ಮನ್ ದಾಕಂವ್ಕ್ ವಿನಂತಿ ಕರ್ತಾಂವ್.
ಎಡೊರೇಶನ್ ಮೊನೆಸ್ಟರಿ ಮಿಲಾಗ್ರಿಸ್ ಹಾಂಗಾಸರ್ ಸಾಂ.ಕ್ಲಾರಾಚಿ ದಬಾಜಿಕ್ ಪರಬ್ ಅಗೋಸ್ತ್ 12ತಾರಿಕೆರ್ ಸಾಂಜೆರ್ 6ವೊರಾರ್ ಆಚರಣ್ ಕರ್ತಾತ್.