ಸಗ್ಳೊ ಹಫ್ತೋ ದೇವ್ ಸ್ತುತೆಚೆಂ ಮುಕೇಲ್ಪಣ್ ಘೆತ್‍ಲ್ಲ್ಯಾ ಸೆಕುಲರ್ ಕಾರ್ಮೆಲ್ ಸಾಂದ್ಯಾಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಅವಿಲಾಚಿ ಸಾಂ. ತೆರೆಜ್ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಲ್ಹಾನ್ ಕ್ರೀಸ್ತಿ ಸಮುದಾಯ್ ಸಮಿತಿ ಸಮಿತಿ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ಸವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತೆಕ್, ಪಾಂಚ್ವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ಗಾಯಾನಾಕ್ ಮಾಂಡಾವಳ್ ಕರ್ಚಿ.

ಆಜ್ ಸಾಂಜೆರ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸಾ. ಹ್ಯಾ ವೆಳಾರ್ ಮಾಲ್ಘಡ್ಯಾಂ ಪಾಸತ್ ಮಾಗ್ತೆಲ್ಯಾಂವ್.

ಹ್ಯಾ ಹಫ್ತ್ಯಾಂತ್ ಫೆಸ್ತಾಂ:ಜುಲಾಯ್ 22:ಮರಿ ಮಾಗ್ದಲೆನ್; ಜುಲಾಯ್ 25: ಸಾಂ.ಜಾಕೊಬ್ ಆಪೆÇಸ್ತಲ್, ಜುಲಾಯ್ 26: ಸಾಂ ಜೊಕಿಮ್ ಆನಿ ಅನ್ನಾ, ಸ್ಮರಣ್

ವಾಡ್ಯಾ ಜಮಾತ್:1.ಬಾಳೊಕ್ ಜೆಜು ವಾಡೊ- ಪ್ರಕಾಶ್ ಸಲ್ಡಾನ್ಹಾ-4.30ವೊರಾರ್; 2. ಸಾಂ.ಅಂತೊನ್  ವಾಡೊ- ಮ್ಯಾಕ್ಸಿಮ್ ಮೊರಾಸ್-5.00ವೊರಾರ್, 3. ಜೆಜುಚೆಂ ಪವಿತ್ರ್ ಕಾಳಿಜ್ ವಾಡೊ- ಆಲ್ವಿನ್ ಮರ್ಲಿನ್ ಡಿಸೋಜ-4.30ವೊರಾರ್. 4.ಜೆಜುಚೆಂ ಲ್ಹಾನ್‍ಫುಲ್ ವಾಡೊ- ಜೋಕಿಮ್ ಪಿಂಟೊ-4.00ವೊರಾರ್. 5. ಅವಿಲಾ ವಾಡೊ- ಸ್ಟ್ಯಾನಿ ಲೀನಾ ಪಿಂಟೊ-5.00ವೊರಾರ್

“ಯುವ ಶಾಥಿ” ಕಾರ್ಯಕ್ರಮ್ ಮಾಂಡುನ್ ಹಾಡ್‍ಲ್ಲ್ಯಾ ಐಸಿವೈಯಮ್ ಸಾಂದ್ಯಾಂಕ್ ತಶೆಂಚ್ ಭಾಗ್ ಘೆತ್‍ಲ್ಲ್ಯಾ ಸರ್ವ್ ಯುವಜಣಾಂಕ್ ದೇವ್‍ಬರೆಂ ಕರುಂ.

ವಾಡ್ಯಾವಾರ್ ಫಾತ್ರಾ ಥಾವ್ನ್ ಕಲಾಕೃತಿ ಸ್ಪರ್ಧೊ ಯೆಂವ್ಚ್ಯಾ ಆಯ್ತಾರಾ ಚಲ್ತಲೊ. ಸ್ಪರ್ಧಿಕಾಂನಿ 3.15ವೊರಾರ್ ಹಾಜರ್ ಜಾಂವ್ಕ್ ವಿನಂತಿ.

ಫಿರ್ಗಜ್ ಪತ್ರ್ ಬಜ್ಜೋಡಿಚೊ ಕುರೊವ್ ಮೊಂತಿ ಫೆಸ್ತಾಕ್ ಪಾಯ್ಸ್ ಜಾತಾ. ಮರಿ ಆನಿ ಪ್ರಕೃತೆಕ್ ಸಂಬಂಧ್ ಜಾಲ್ಲಿ ಲೇಖನಾಂ, ಮಟ್ವ್ಯೊ ಕಾಣಿಯೊ, ಕವನಾಂ, ಪಿಂತುರಾ,  ವಾಡ್ಯಾಂತ್ಲ್ಯೊ ವರ್ದ್ಯೊ ತಶೆಂಚ್ ಪತ್ರಾಕ್ ಜಾಹೀರಾತಾಂ ಆಗೊಷ್ಟಾಚಾ 15 ತಾರಿಕೆ ಭಿತರ್ ದಾಡುಂಕ್ ವಿನಂತಿ. ಭುರ್ಗ್ಯಾಂಕ್ ಪ್ರಕೃತೆವಿಶಿಂ ಲ್ಹಾನ್ ಲ್ಹಾನ್ ಮಟ್ವಿಂ ಲೇಖನಾಂ ಬರೊಂವ್ಕ್ ವ್ಹಡಿಲಾಂನಿ ಪ್ರೋತ್ಸಾಹ್ ದಿಂವ್ಚೊ.

ಸಿಟಿ ವಾರಾಡ್ಯಾಚಾ ಕ್ರೀಸ್ತಿ ದೊತೊರ್ನ್ ಶಿಕೊಂವ್ಚ್ಯಾ ಶಿಕ್ಷಕಾಂತ್ ಅರ್ದ್ಯಾ ದಿಸಾಚಿ ಜಮಾತ್ ಜುಲೈಚಾ 27 ತಾರಿಕೆರ್ ದೊನ್ಪಾರಾ 2.30ವೊರಾಂ ಥಾವ್ನ್ 5ವೊರಾಂ ಪರ್ಯಾಂತ್ ಕೊರ್ಡೆಲ್ ಹೊಲಾಂತ್ ಚಲ್ತಲಿ.

ಡೆಂಗ್ಯೂ ತಾಪ್ ಹ್ಯಾ ದಿಸಾಂನಿ ಸಗ್ಳ್ಯಾನ್ ವಿಸ್ತಾರುನ್ ಆಸಾ ದೆಕುನ್ ಜಾಗ್ರುತ್ಕಾಯ್ ಸಾಂಬಾಳ್ಚಿ. ಘರಾ ಬೊಂವ್ತೊಂಣಿ ನಿತಳಾಯ್ ಸಾಂಬಾಳ್ಚಿ. ಹ್ಯಾ ವಿಶ್ಯಾಂತ್ ಚಡಿತ್ ವಿವರ್ ನೋಟಿಸ್ ಬೋರ್ಡಾರ್ ಆಸಾ ತೊ ತುಮಿ ಪಳೆಂವ್ಚೊ.

ಸಾಂತ್ ಆಂತೊನಿಚಿ ಜಿಣಿ ಆಟಾಪ್ಚೆಂ “ಸಂತ ಅಂತೊನೀಯವರ ಜೀವನ ಚರಿತ್ರೆ” ಮ್ಹಳ್ಳೆಂ ಸೀರಿಯಲ್ ಕನ್ನಡ ಬಾಶೆಂತ್ ಪೊರ್ವಾ ಆಯ್ತಾರಾ ಥಾವ್ನ್ ಡಿ.ಡಿ. ಚಂದನಾ ಚಾನೆಲಾರ್ ದೊನ್ಪಾರಾಂ 2ವೊರಾರ್ ಪ್ರಸಾರ್ ಜಾತೆಲೆಂ.

Home | About Us | Sitemap | Contact

Copyright © 2013 - www.infantmarychurch.org. Powered by eCreators

Contact Us

INFANT MARY CHURCH
Bajjodi, Bikarnakatte,
Mangalore - 575 005, India

Contact : +91 97403 16900