ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಬಾಳ್ ಮರಿ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ವೆಲಂಕಣಿ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಆಧ್ಯಾತ್ಮಿಕ್ ಸಮಿತಿ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ವೈಸಿಯಸ್ ಭುರ್ಗ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
ಸಾಂಜೆರ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸಾ. ಹ್ಯಾ ವೆಳಾರ್ ಆಮಿ ಸರ್ವ್ ಭುರ್ಗ್ಯಾಂ ಪಾಸತ್ ಮಾಗ್ತೆಲ್ಯಾಂವ್.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಜೂನ್ 10- ಮರಿ, ಪವಿತ್ರ್ ಸಭೆಚಿ ಮಾತಾ, ಜೂನ್ 11- ಸಾಂ ಬಾರ್ನಾಬಸ್, ಜೂನ್ 13- ಪದ್ವಾಚೊ ಸಾಂತ್ ಅಂತೊನ್.
ವಾಡ್ಯಾ ಜಮಾತ್: 1.ಸಾಂ.ಜುಜೆ ವಾಡೊ- ಕಿಶೋರ್ ರೆಬೆಲ್ಲೊ - 4.00ವೊರಾರ್; 2.ಬಾಳ್ ಮರಿ ವಾಡೊ- ವಿನೋದ್ ಮರಿನ ಡಿಸೋಜ- 4.00ವೊರಾರ್; 3.ಲೂಡ್ಸ್ ವಾಡೊ- ಜೋನ್ ಕೊರೆಯಾ -5.00ವೊರಾರ್;
4.ಬಾಳೊಕ್ ಜೆಜು ವಾಡೊ-ಜೆಸಿಂತಾ ಡಿಸೋಜ-5.00ವೊರಾರ್; 5. ವೆಲಂಕಣಿ ವಾಡೊ-ಜೆಸ್ಸಿ ಎಲೋಶಿಯಸ್ ಡಿಸೋಜ-4.30ವೊರಾರ್
ಬೆಂಗ್ಳುರಾಂತ್ ವಾವ್ರ್ ಕರ್ಚ್ಯಾ ಆನಿ ಶಿಕ್ಚ್ಯಾ ಸರ್ವ್ ಮಂಗ್ಳುರ್ ದಿಯೆಸೆಜಿಚ್ಯಾ ಯುವಜಣಾಂಕ್ ಸಾಂಗಾತಾ ಹಾಡ್ಚೆಂ ಕಾರ್ಯೆಂ ಬೆಂಗ್ಳುರಾಂತ್ ಮಾಂಡುನ್ ಹಾಡ್ಲಾಂ. ಆಮ್ಚೆ ಗೊವ್ಳಿ ಬಾಪ್ ಅ.ಮಾ.ದೊ.ಪೀಟರ್ ಪಾವ್ಲ್ ಸಲ್ಡಾನ್ಹಾ ಹಾಂಚಾ ಮಾರ್ಗದರ್ಶನಾಖಾಲ್ ಜೂನಾಚ್ಯಾ 23ತಾರಿಕೆರ್, ಆಯ್ತಾರಾ, ಬೆಂಗ್ಳುರ್ ಸೈಂಟ್ ಜೋಸೆಫ್ಸ್ ಶಿಕ್ಷಣ್ ಸಂಸ್ಥ್ಯಾಚ್ಯಾ ಸಭಾಸಾಲಾಂತ್, ಸಕಾಳಿಂ 9ವೊರಾಂ ಥಾವ್ನ್ ಸಾಂಜೆರ್ 3ವೊರಾಂ ಪರ್ಯಾಂತ್ ‘ಯು ಕನೆಕ್ಟ್’ ಮ್ಹಳ್ಳೆಂ ಕಾರ್ಯಕ್ರಮ್ ಮಾಂಡುನ್ ಹಾಡ್ಲಾಂ. ಹ್ಯಾ ಕಾರ್ಯಕ್ರಮಾಕ್ ಬೆಂಗ್ಳುರಾಂತ್ ಆಸ್‍ಲ್ಲ್ಯಾ, ಫಿರ್ಗಜೆಚ್ಯಾ ಸರ್ವ್ ಯುವಜಣಾಂನಿ ಹಾಜರ್ ಜಾಂವ್ಕ್, ವ್ಹಡಿಲಾಂನಿ ತಿಳ್ಸುಂಚೆಂ.
ಬಾಳೊಕ್ ಜೆಜುಚ್ಯಾ ಪೂನ್ ಶೆತಾಂತ್ ಜೂನ್ 9 ತಾರಿಕೆರ್ ಸಕಾಳಿಂ 9ಥಾವ್ನ್ ಸಾಂಜೆರ್ 4.30ವೊರಾಂ ಪರ್ಯಾಂತ್ ಪವಿತ್ರ್ ಅತ್ಮ್ಯಾಚೊ ಸಂಭ್ರಮ್ ಆಚರಣ್ ಕರ್ತಾತ್.
ಜೂನಾಚ್ಯಾ 20ತಾರಿಕೆರ್ ಜೆಜುಚಾ ಭೋವ್ ಪವಿತ್ರ್ ಕುಡಿ ರಗ್ತಾಚೆಂ ಫೆಸ್ತ್ ಎಡೊರೇಶನ್ ಮೊನೆಸ್ಟರಿ, ಮಿಲಾಗ್ರಿಸ್ ಹಾಂಗಾಸರ್ ಸಾಂಜೆರ್ 6 ವೊರಾರ್ ಆಚರಣ್ ಕರ್ತಾತ್. ಚಡಿತ್ ವಿವರ್ ನೋಟಿಸ್ ಬೋರ್ಡಾರ್ ಆಸಾ.
ಸಾಂ ಅಂತೊನ್ ವಾಡ್ಯಾಚೆಂ ಆಂಜೆಲಾ ಮೇವಿಸ್ ಮೊರಾಸಾನ್ ಬ್ಯಾಚುಲರ್ ಒಪ್ ಒಕೇಶನ್ ಹಾಂತುನ್ ಪಯ್ಲೆಂ ರೇಂಕ್ ತಶೆಂಚ್ ಗೊಲ್ಡ್ ಮೆಡಲ್ ಆಪ್ಣಾಯ್ಲಾಂ. ತಾಕಾ ಆಮಿ ಅಭಿನಂದನ್ ಪಾಟಯ್ತಾಂವ್ ಆನಿ ತಾಚಾ ಮುಕ್ಲ್ಯಾ ಶಿಕ್ಪಾಕ್ ಬರೆಂ ಮಾಗ್ತಾಂವ್.
ಆಮ್ಚ್ಯಾ ಸಮುದಾಯೆಚಾ ವಿದ್ಯಾರ್ಥಿಂಕ್ ಉಂಚ್ಲ್ಯಾ ಸರ್ಕಾರಿ ಕಾಮಾಂಕ್ ವಚೊಂಕ್ ಪ್ರೇರಣ್ ಆನಿ ತರ್ಭೆತಿ ಆಟ್ವ್ಯಾ ಕ್ಲಾಸಿ ಥಾವ್ನ್‍ಂಚ್ ಸಿಒಡಿಪಿ ತರ್ಫೆನ್ ದಿತಾತ್. ಆಸಕ್ತ್ ಆಸ್‍ಲ್ಲ್ಯಾ ವಿದ್ಯಾರ್ಥಿಂಚಿ ವಿಂಚವ್ಣ್ ಸಿಒಡಿಪಿಂತ್ ಜುಲಾಯ್ 7ತಾರಿಕೆರ್ ಆಯ್ತಾರಾ ಸಕಾಳಿಂ 10ವರಾರ್ ಆಸ್ತೆಲಿ. ಚಡಿತ್ ವಿವರಾಕ್ ನೋಟಿಸ್ ಬೋರ್ಡ್ ಪಳಂವ್ಚೊ.