ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಲೂಡ್ಸ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಲ್ಹಾನ್ ಕ್ರೀಸ್ತಿ ಸಮುದಾಯ್ ಸಮಿತಿ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಜೆಜುಚೆಂ ಲ್ಹಾನ್ ಫುಲ್ ವಾಡ್ಯಾಗಾರಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
ಆಜ್ ಸಾಂಜೆರ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆಸ್ಚೆಂನಾ.
ಗೆಲೆತ್ಯಾ ಆಯ್ತಾರಾ ಮಿಸಾ ವೆಳಾರ್ ಫಿರ್ಗಜೆಚ್ಯಾ 10 ಜಣಾಂ ಭುರ್ಗ್ಯಾಂನಿ ಪಯ್ಲೆ ಪಾವ್ಟಿಂ ಜೆಜುಕ್ ಕಾಳ್ಜಾಂತ್ ಸ್ವೀಕಾರ್ ಕೆಲಾ. ತಾಂಕಾಂ ಆಮಿ ಅಭಿನಂದನ್ ಪಾಟಯ್ತಾಂವ್. ತ್ಯಾ ದಿಸಾ ಮಿಸಾಕ್ ಸಂಬಂಧ್ ಜಾಲ್ಲ್ಯೊ ವಸ್ತು ಕಾಣಿಕ್ ಜಾವ್ನ್ ದಿಲ್ಲ್ಯಾಕ್ ದೇವ್ ಬರೆಂ ಕರುಂ ಮ್ಹಣ್ತಾಂವ್. ತಶೆಂಚ್ ಜೂನಾ ಥಾವ್ನ್ ಅಲ್ತಾರ್ ಭುರ್ಗ್ಯಾಂಚ್ಯಾ ಸೊಡೆಲಿಟಿಕ್ ಭರ್ತಿ ಜಾಂವ್ಕ್ ವ್ಹಡಿಲಾಂನಿ ಭುರ್ಗ್ಯಾಂಕ್ ಪ್ರೋತ್ಸಾಹ್ ದಿಂವ್ಚೊ. ಪಯ್ಲ್ಯಾ ಕುಮ್ಗಾರಾಚಾ ಭುರ್ಗ್ಯಾಂಚೊ ಫೆÇಟೊ ಆನಿ ವೀಡಿಯೊ ಸಿಡಿ ಆಯ್ಲ್ಯಾತ್ ದಫ್ತರಾ ಥಾವ್ನ್ ಬುದ್ವಾರಾ ಭಿತರ್ ವ್ಹರುಂಕ್ ವಿನಂತಿ.
ಫಿರ್ಗಜೆಚ್ಯಾ ಸರ್ವ್ ಸಮಿತಿಚಾ ತಶೆಂಚ್ ಸಂಘ್ ಸಂಸ್ಥಾಚಾ ಮುಕೆಲ್ಯಾಂನಿ ಜಮಾತ್ ಆಪೊವ್ನ್ ಹ್ಯಾ ವರ್ಸಾಚಿ ತಾಂಚಿ ಕಾರ್ಯಾವಳ್ (Annual Plan) ಮೇಯಾಚಾ ಅಖ್ರೇಕ್ ಫಿರ್ಗಜ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ.
ಧಾವಿ ಆನಿ ಪಿಯುಸಿ ಪರೀಕ್ಷೆಂತ್ 85% ಚ್ಯಾಕೀ ಚಡಿತ್ ಅಂಕ್ ಜೊಡ್‍ಲ್ಲ್ಯಾ ಭುರ್ಗ್ಯಾಂಚಿ ನಾಂವಾಂ, ಮಾರ್ಕ್ಸ್, ಗುರ್ಕಾರಾ ಮುಖಾಂತ್ರ್ ಹ್ಯಾ ಹಫ್ತ್ಯಾಚ್ಯಾ ಸುಕ್ರಾರಾ ಭಿತರ್ ಫಿರ್ಗಜ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ. (10th 14Children; II Puc 19 Children).
ದೊತೊರ್ನ್ ಶಿಕೊಂವ್ಚ್ಯಾ ಶಿಕ್ಷಕಾಂಚಿ ಜಮಾತ್ ಮೇಯಾಚ್ಯಾ 21 ತಾರಿಕೆರ್ ಮಂಗ್ಳಾರಾ ಸಾಂಜೆರ್ 7 ವೊರಾರ್ ಆಸ್ತೆಲಿ. ಶಿಕ್ಷಕಾಂನಿ ಚುಕಾನಾಸ್ತಾಂ ಹಾಜರ್ ಜಾಂವ್ಕ್ ವಿನಂತಿ.
ಮಂಗ್ಳುರ್ ದಿಯೆಸೆಜಿಚೊ ನವೊ ಭಿಸ್ಪ್ ನೇಮಕ್ ಜಾಲ್ಲ್ಯಾ ಉಗ್ಡಾಸಾಕ್ ಜೂನ್ ಮಹಿನ್ಯಾಚಾ 30 ತಾರಿಕೆರ್ “ಲಾವ್ದಾತೊ ಸಿ” ಆಯ್ತಾರ್ ಜಾವ್ನ್ ಆಚರಣ್ ಕರ್ತಾಂವ್. ಸಾಂಗಾತಾಚ್ ರೂಕ್ ಝಾಡಾ ಲಾವ್ನ್ ಪ್ರಕೃತೆಚಿ ಜತನ್ ಘೆಂವ್ಚ್ಯಾ ಖಾತಿರ್ ವೃಕ್ಷಾ ವಂದನ್ ಮ್ಹಳ್ಳೆಂ ಯೋಜನ್ ಹಾತಿಂ ಘೆತ್ಲಾಂ. “ಝಡ್ ಲಾಯ್, ರೂಕ್ ವಾಡಯ್-ಗಾಂವ್ ಉರಯ್ ಅಭಿಯಾನ್ 2019”. ಹ್ಯಾ ವಿಷಯಾಕ್ ಸಂಬಂಧ್ ಜಾಲ್ಲೆಂ ವಿನತೆ ಪತ್ರ್ ತುಮ್ಚ್ಯಾ ಕುಟ್ಮಾಕ್ ಮೆಳ್ಳಾಂ. ತುಮ್ಚ್ಯಾ ಘರಾಂನಿ ತುಮ್ಕಾಂ ಲಾಂವ್ಕ್ ಖಂಚಿ ಆನಿ ಕಿತ್ಲಿಂ ಝಡಾಂ ಜಾಯ್ ತೆಂ ತುಮಿಂ ಫೆÇರ್ಮಾಂತ್ ಭರ್ತಿ ಕರ್ನ್ ಮೇ 27ತಾರಿಕೆ ಭಿತರ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ.
ಹೆಂ ವರಸ್ ಯುವಜಣಾಂ ಖಾತಿರ್ ಸಮರ್ಪಿಲ್ಲೆಂ ವರಸ್. ಯುವಜಣಾಂ ಪಾಸತ್ ಪ್ರತ್ಯೇಕ್ ರೀತಿನ್ ಆಮಿ ಮಾಗೊನ್ ಆಸಾಂವ್. ಯುವಜಣಾಂನಿ ಮುಕೇಲ್ಪಣ್ ಘೆವ್ನ್ ಮುಖಾರ್ ಯೆಂವ್ಚ್ಯಾಕ್, ಹರ್ಯೇಕಾ ಸಂಗ್ತಿಂನಿ ಜೊಕ್ತಿ ತರ್ಭೆತಿ ಜೊಡ್ಚ್ಯಾಕ್ ತಶೆಂಚ್ ಆತ್ಮೀಕ್ ಸಂಗ್ತಿಂನಿ ಅಸಕ್ತ್ ದಾಕಂವ್ಚ್ಯಾಕ್ ಜೂನ್ ಮಹಿನ್ಯಾ ಥಾವ್ನ್ ಯುವಜಣಾಂಚಿ ಕಾರ್ಯಕ್ರಮಾಂ ಆಸಾ ಕರ್ತಾಂವ್. ಪಯ್ಲ್ಯಾನ್ ಪಯ್ಲೆಂ ನವ್ಯಾ ಹುದ್ದೆದಾರಾಂಚೆ ಚುನಾವ್ ಮೇಯಾಚಾ 25 ತಾರಿಕೆರ್ ಸನ್ವಾರಾ ಸಾಂಜೆರ್ 7 ವೊರಾರ್ ಆಸಾ ಕೆಲ್ಯಾ. ಫಿರ್ಗಜೆಚಾ ಸರ್ವ್ ಯುವಜಣಾಂನಿ ಹ್ಯಾ ಜಮಾತೆಕ್ ಹಾಜರ್ ಜಾಂವ್ಕ್ ಪ್ರೋತ್ಸಾಹ್ ದಿಂವ್ಚೊ.
ಆಮ್ಚ್ಯಾ ಫಿರ್ಗಜೆಂತ್ ಹ್ಯಾ ವರ್ಸಾ 18 ವರ್ಸಾಂ ಸಂಪಯ್ಲ್ಯಾ(ದುಸ್ರ್ಯಾ ಪಿಯುಸಿಚೆಂ ಶಿಕಪ್ ಸಂಪಯ್ಲ್ಯಾ) 30 ವರ್ಸಾ ಬಿತರ್ಲ್ಯಾ ಯುವಜಣಾಂಚೊ ಸಂಖೊ 230. 18 ಥಾವ್ನ್ 30 ವರ್ಸಾಂ ಬಿತರ್ಲಿಂ ಯುವಜಣಾಂಚೊ ಸಂಖೊ 230 ಆಸಾತ್. ವಾಡ್ಯಾವಾರ್ ಯುವಜಣಾಂಚೊ ವಿವರ್ ಶೈಕ್ಷಣಿಕ್ ವರಸ್ ಪ್ರಾರಂಭ್ ಜಾತಾನಾ ತುಮ್ಚೆ ಮುಖಾರ್ ದವರ್ತಲೊ. ಪಾಟ್ಲ್ಯಾ ಚಾರ್ ವರ್ಸಾಂಚಿ ಸಮೀಕ್ಷಾ ಕಾಡ್ಲಿ ತರ್ ಆತ್ಮೀಕ್ ಸಂಗ್ತಿಂತ್ ಯುವಜಣಾಂಚೆ ಹಾಜರ್ಪಣ್ ಮೊಸ್ತು ಉಣೆಂ ಜಾಲಾಂ. ಆಯ್ತಾರಾಚೊ ಕಾಯ್ದೊ ಪಾಳಿನಾತ್ಲೆ ಯುವಜಣ್ ಜಾಯ್ತೆ ಆಸಾತ್. ದೆಕುನ್ ಪಯ್ಲ್ಯಾನ್ ಪಯ್ಲೆಂ ಆಯ್ತಾರಾ ಮಿಸಾಕ್ ಯುವಜಣಾಂನಿ ಹಾಜರ್ ಜಾಂವ್ಕ್ ವ್ಹಡಿಲಾಂನಿ ಪ್ರೋತ್ಸಾಹ್ ದಿಂವ್ಚೊ. ಚಡ್ತಾವ್ ಇಗರ್ಜಾಂನಿ ದಾವಿ ಸಂಪ್ತಚ್ ಭುರ್ಗ್ಯಾಂಕ್ ಕ್ರಿಜ್ಮ್ ಮೆಳ್ತಾ. ಕ್ರಿಜ್ಮ್ ಮೆಳ್ತಚ್ ಸಕ್ಕಡ್ ಸಂಪ್ಲೆ ಉಪ್ರಾಂತ್ ಕಾಜಾರಾಚಾ ದೊತೊರ್ನಿಕ್ ಆಯ್ಲ್ಯಾರ್ ಜಾಲೆಂ ಮ್ಹಳ್ಳೆಂ ಚಿಂತಾಪ್ ಜಾಯ್ತ್ಯಾಂಚಾ ಮತಿಂತ್ ಆಸಾ. ಪೂಣ್ ಕ್ರೀಜ್ಮಾಕ್ ವೈಸಿಎಸ್ ದೊತೊರ್ನ್ ಗರ್ಜೆಚಿ ಮ್ಹಣ್ ವ್ಹಡಿಲಾಂನಿ ಸಮ್ಜೊನ್ ಘೆಂವ್ಚೆಂ. ವೈಸಿಎಸ್ ದೊತೊರ್ನಿಕ್ ಭುರ್ಗ್ಯಾಂಕ್ ಚುಕಾನಾಸ್ತಾಂ ದಾಡ್ಚೆಂ. ತಶೆಂಚ್ ಕಾಜಾರಾಚಾ ದೊತೊರ್ನಿಕ್ ಆಯ್ಲ್ಯಾ ಜಾಯ್ತ್ಯಾಂಕ್ ಮಾಗ್ಣಿಂ ಕಳಿತ್ ನಾಂತ್ ಕಿತ್ಯಾಕ್ ಘರಾಂತ್ ಮಾಗ್ಣೆಂ ನಾ. ಕೊಣಾಯ್ಕಿ ವೊಡ್ನ್ ಹಾಡ್ನ್ ದಬಾವ್ ಘಾಲ್ನ್ ಮಿಸಾಕ್ ವಚ್, ಮಾಗ್ಣೆಂ ಕರ್ ಮ್ಹಣ್ ಸಾಂಗುಕ್ ಅಸಾದ್ಯ್. ಮಾಗ್ಣ್ಯಾಚೊ ಮಹತ್ವ್ ಯುವಜಣಾಂನಿ ಸಮ್ಜೊನ್ ಘೆಂವ್ಚ್ಯಾಕ್ ಏಕ್ ಜೊಕ್ತೆಂ ವಾತಾವರಣ್ ರೂಪಿತ್ ಕರ್ಚಿ ಜವಬ್ದಾರಿ ಆಮ್ಚಿ ತಶೆಂಚ್ ತುಮ್ಚಿ ಜಾವ್ನಾಸಾ. ಹ್ಯಾ ದಿಶೆನ್ ವ್ಹಡಿಲಾಂನಿ, ವಾಡ್ಯಾಚಾ ಕೊರ್ ಕಮಿಟಾಚಾ ಸಾಂದ್ಯಾಂನಿ ಜೂನಾಚಾ 25 ತಾರಿಕೆರ್ ಸನ್ವಾರಾ ಸಾಂಜೆರ್ 7 ವೊರಾರ್ ಯುವಜಣಾಂಚಾ ಪಯ್ಲ್ಯಾ ಜಮಾತೆಕ್ ಹಾಜರ್ ಜಾಂವ್ಚೆಬರಿ ಪಳೆಂವ್ಚೆಂ.