ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಬಾಳೊಕ್ ಜೆಜು ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ.(ವಾಡ್ಯಾವಾರ್ ದೇವ್‍ಸ್ತುತೆಕ್ ವಾಡ್ಯಾಗಾರಾಂಚಾ ಹಾಜರ್ಪಣ್ ಉಣೆಂ ಜಾಂವ್ಚೆ ದಿಸ್ತಾ. ತುಮ್ಚ್ಯಾ ವಾಡ್ಯಾಕ್ ದೇವ್‍ಸ್ತುತೆಚಿ ಜವಬ್ದಾರಿ ಯೆದೊಳ್‍ಚ್ಚ್ ಕುರೊವ್ ಪತ್ರಾರ್ ತಿಳ್ಸಿಲ್ಯಾ ಜಾಲ್ಲ್ಯಾನ್ ವಾಡ್ಯಾಚಾಂನಿ ಸಾಂಗಾತಾ ಮೆಳೊನ್ ಜೊಕ್ತಿ ತಯಾರಾಯ್ ಕರುಂಕ್ ವಿನಂತಿ). ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಸೆಕುಲರ್ ಕಾರ್ಮೆಲ್ ಸಾಂದ್ಯಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಜೆಜುಚ್ಯಾ ಲ್ಹಾನ್ ಫುಲ್ ವಾಡ್ಯಾಚ್ಯಾ ಐಸಿವೈಯಮ್ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ಅವಿಲಾಚಿ ಸಾಂ.ತೆರೆಜ್ ವಾಡ್ಯಾಗಾರಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
ಯೆಂವ್ಚ್ಯಾ ಆಯ್ತಾರಾ ಪಯ್ಲ್ಯಾ ಮಿಸಾ ಉಪ್ರಾಂತ್ ಐಸಿವೈಯಮ್ ಸಾಂದ್ಯಾಚೆಂ ಮೀಟಿಂಗ್ ಆಸ್ತೆಲೆಂ. ಹ್ಯಾ ಮಿಟಿಂಗಾಕ್ ಹ್ಯಾ ವರ್ಸಾ ಪಿಯುಸಿ ಸಂಪಯ್ಲ್ಯಾ ಸರ್ವ್ ಯುವಜಣಾಂನಿ ಹಾಜರ್ ಜಾಂವ್ಕ್ ವಿನಂತಿ. ತಶೆಂಚ್ ಎಪ್ರಿಲ್ ಮಹಿನ್ಯಾಂತ್ ದೊದೊನ್ ವಾಡೆ ಸಾಂಗಾತಾ ಮೆಳೊನ್ ಆಸಾ ಕೆಲ್ಲ್ಯಾ ಯುವಜಣಾಂಚಾ ಜಮಾತೆಚಿ ವರ್ಧಿ ಧಫ್ತರಾಕ್ ಪಾವಿತ್ ಕರ್ಚಿ.
ಗೊವ್ಳಿಕ್ ಯೋಜನ್ ಸಮೀಕ್ಷಾ ಪ್ರಶ್ನಾವಳ್ ಭರ್ತಿ ಕರ್ನ್ ಜಾಲ್ಯಾ ತರ್ ಧಪ್ತರಾಕ್ ಪಾಟಿಂ ಹಾಡ್ನ್ ದೀಂವ್ಕ್ ವಿನಂತಿ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ:ಮೇ 1:ಭಾಗೆವಂತ್ ಜುಜೆ, ಮೇ 3: ಭಾಗೆವಂತ್ ಫಿಲಿಪ್ ಆನಿ ಜಾಕೊಬ್ ಧರ್ಮ್‍ದೂತ್
ಸಿಒಡಿಪಿ ಮುಖಾಂತ್ರ್ ದುಬ್ಳ್ಯಾ ವಿದ್ಯಾರ್ಥಿಂಕ್ ಉಂಚ್ಲ್ಯಾ ಶಿಕ್ಪಾಖಾತಿರ್ ದಿಂವ್ಚಾ ಎಡ್ಯುಕೇರ್ ವಾಡಿರಹಿತ್ ಶಿಕ್ಪಾರೀಣಾ ಖಾತಿರ್ ಹ್ಯಾ ವರ್ಸಾ ಅರ್ಜ್ಯೊ ಆಪಯ್ಲ್ಯಾತ್. ಶಿಕಾಪ್ ಜಾಲ್ಲೆಂಚ್ ದೆಡಾ ವರ್ಸಾ ಭಿತರ್ ಕಡ್ಡಾಯ್ ಜಾವ್ನ್ ಫಾರಿಕ್ ಕರುಂಕ್ ಆಸಾ. ಸಿಒಡಿಪಿಚ್ಯಾ ವೆಬ್‍ಸೈಟಾಕ್ ಭೆಟ್ ದೀವ್ನ್ ಆನ್‍ಲೈನ್ ಅರ್ಜಿ ಘಾಲ್ಯೆತ್. ಅರ್ಜ್ಯೊ ಫಿರ್ಗಜ್ ಸಮಿತಿನ್ ಶಿಫಾರಸ್ ಕರುಂಕ್ ಆಸಾತ್ ಜಾಲ್ಲ್ಯಾನ್, ನಿಮಾಣ್ಯಾ ತಾರಿಕೆಚಾ ಧಾ ದಿಸಾ ಪಯ್ಲೆಂ ಇಗರ್ಜೆಚ್ಯಾ ದಫ್ತರಾಕ್ ಪಾವಿತ್ ಕರುಂಕ್ ಆಸ್ತೆಲ್ಯೊ. ಚಡಿತ್ ವಿವರಾಕ್ ನೋಟಿಸ್ ಬೋರ್ಡ್ ಪಳಂವ್ಚೊ.
ನಂತೂರ್ ಖುರ್ಸಾಚೊ 84ವೊ ವಾರ್ಶಿಕ್ ಮಹಾ ಸಂಭ್ರಮ್ ಮೇ 11 ತಾರಿಕೆರ್ ಸುಕ್ರಾರಾ ಸಾಂಜೆರ್ 6ವೊರಾರ್ ಸಂಭ್ರಮ್ತಾತ್. ತುಮ್ಕಾಂ ಸರ್ವಾಂಕ್ ಮೊಗಾಚೆಂ ಆಪೆÇವ್ಣೆಂ. ಚಡಿತ್ ವಿವರ್ ನೋಟಿಸ್ ಬೋರ್ಡಾರ್ ಆಸಾ.
ಮೇಯಾಚಾ 12 ತಾರಿಕೆರ್ ಆಯ್ತಾರಾ ಫಿರ್ಗಜೆಂತ್ 10 ಜಣಾಂ ಭುರ್ಗ್ಯಾಂಕ್ ಪಯ್ಲ್ಯಾ ಕುಮ್ಗಾರಾಚೊ ಸಂಭ್ರಮ್. ತ್ಯಾ ದಿಸಾ ಪಯ್ಲ್ಯಾ ಕುಮ್ಗಾರಾಚೆಂ ಸಂಭ್ರಮಿಕ್ ಮೀಸ್ 8.30ವೊರಾರ್ ಆಸ್ತೆಲೆಂ.
ಬುದ್ವಾರಾ ಥಾವ್ನ್ ಮೇ ಮಹಿನೊ ಪ್ರಾರಂಭ್ ಜಾತಾ. ಮರಿ ಮಾಂಯ್ಕ್ ಸಮರ್ಪಿಲ್ಲ್ಯಾ ಹ್ಯಾ ಮಹಿನ್ಯಾಂತ್ ಆಮ್ಚ್ಯಾ ಘರಾಂನಿ ತೇರ್ಸಾಚೆ ಭಕ್ತಿಪಣ್ ಜಿವಾಳ್ ದವರ್ಚೆಂ. ಹರ್ಯೆಕಾ ದಿಸಾ ಇಗರ್ಜೆಂತ್ ಸಾಂಜೆಚ್ಯಾ ಮಿಸಾ ಪಯ್ಲೆಂ ತೇರ್ಸ್ ಆಸಾ ಆನಿ ಉಪ್ರಾಂತ್ ಮಿಸಾಚಾ ಬಲಿದಾನಾಕ್ ಹಾಜರ್ ಜಾಂವ್ಕ್ ಪ್ರಯತ್ನ್ ಕರ್ಚೆಂ.
ಆದ್ಲ್ಯಾ ವರ್ಸಾ ವನ್ ರುಪಿ ರೆವಲ್ಯೂಶನ್ ಮುಖಾಂತ್ರ್ ತುಮಿ ದಿಲ್ಲ್ಯಾ ಸಹಕಾರನ್ ದೋನ್ ವಾಶ್ ರುಮಾಂ ಬಾಂದುಂಕ್ ತಶೆಂಚ್ ಇಗರ್ಜೆಕ್ ಇತರ್ ಲ್ಹಾನ್ ಲ್ಹಾನ್ ಕಾಮಾಕ್ ಆದಾರ್ ಲಾಭ್ಲಾ. ಹ್ಯಾ ವರ್ಸಾ ವನ್ ರೂಪಿ ರೇವಲೂಶ್ಯನಾಚೊ ಐವಜ್ ವ್ಹಡ್ಲ್ಯಾ ಹೊಲಾಂತ್ ನವೆಂ ಸೌಂಡ್ಸ್ ಸಿಸ್ಟಮ್ ಘಾಲುಂಕ್, ಎಲೆಕ್ಟ್ರಿಸಿಟಿ ಕಾಮಾಕ್ ತಶೆಂಚ್ ಇಗರ್ಜೆಂತ್ ಬರೆಂ ಸೌಂಡ್ ಸಿಸ್ಟಮ್ ಆಸಾ ಕರುಂಕ್ ಉಪ್ಯೋಗ್ ಕರ್ತೆಲ್ಯಾಂವ್. ಹ್ಯಾ ಆಮ್ಚ್ಯಾ ಮುಕ್ಲ್ಯಾ ಯೋಜನಾಕ್ ತುಮ್ಚೊ ಸಹಕಾರ್ ಆಶೆತಾಂವ್.