ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಬಾಳ್‍ಮರಿ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ವೆಲಂಕಣಿ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಕುರೊವ್ ಮಂಡಳಿ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಸಾಂ.ಅಂತೊನ್ ವಾಡ್ಯಾಗಾರಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
ಫಾಲ್ಯಾಂ ರೆತಿರೆಚೊ ತಿಸ್ರೊ ದೀಸ್: ರೆತಿರ್ 4 ವೊರಾಂ ಥಾವ್ನ್ 8 ವೊರಾಂ ಪರ್ಯಾಂತ್ ಆಸ್ತೆಲಿ. ಫಾಲ್ಯಾಂ ರಜೆಚೊ ದೀಸ್ ಜಾಲ್ಲ್ಯಾನ್ ಸರ್ವಾಂನಿ ಕುಟ್ಮಾಚಾ ಸಾಂದ್ಯಾ ಸವೆಂ ಹಾಜರ್ ಜಾಂವ್ಚೆಂ. ಸಾಂಜೆಚಿ ಕಾಣಿಕ್ ರೆತಿರ್ ದಿಂವ್ಚ್ಯಾ ಪಂಗ್ಡಾಕ್ ಜಾವ್ನಾಸ್ತೆಲಿ. ಸಕಾಳಿಂ 6.30ವೊರಾರ್ ಮೀಸ್ ಆಸಾ. ಅನ್ಯೇಕ್ ಮೀಸ್ ಸಾಂಜೆರ್ ರೆತಿರೆ ವೆಳಾರ್ ಆಸ್ತೆಲೆಂ.
ಕೌನ್ಸಿಲಿಂಗ್ ಕರ್ಚ್ಯಾ ಸಿಸ್ಟ್ರಾಕ್ ಗರ್ಜೆಚೆಂ ಕಾಮ್ ಆಸ್‍ಲ್ಲ್ಯಾನ್ ಯೇಂವ್ಕ್ ಜಾಂವ್ಕ್ ನಾ. ನಾಂವಾಂ ದಿಲ್ಲ್ಯಾಂನಿ ಬಾಪ್ ಪಿಯುಸ್ ಡಿಸೋಜಾಕ್ ತುಮಿ ಫಾಲ್ಯಾ ಸಕಾಳಿಂ ಮೆಳ್ಯೆತ್.
ಮಂಗ್ಳುರ್ ದಿಯೆಸೆಜಿಕ್ 2019 ವರ್ಸಾಚಾ ಆಕೇರಿ ಭಿತರ್ ಏಕ್ ಸಮಗ್ರ್ ಗೊವ್ಳಿಕ್ ಯೋಜನ್ ತಯಾರ್ ಕಚ್ರ್ಯಾಕ್ ಸಾಮಾಜಿಕ್-ಆರ್ಥಿಕ್ ಆನಿ ಗೊವ್ಳಿಕ್ ಸಮೀಕ್ಷಾ-2019 ಮಾಂಡಾವಳ್ ಕೆಲ್ಯಾ. ಯೆದೊಳ್‍ಚ್ಚ್ ಸಮೀಕ್ಷಾ ಪ್ರಶ್ನಾವಾಳ್ ತಯಾರ್ ಜಾಲ್ಯಾ. ಸಮೀಕ್ಷಾ ಚಲೊಂವ್ಚ್ಯಾಕ್ ಆಮ್ಚ್ಯಾ ಫಿರ್ಗಜೆಚ್ಯಾ ತೆಗಾಂ ಜಣಾಂಕ್ ತರ್ಭೆತಿ ಮೆಳ್ಯಾ ಆನಿ ವಾಡ್ಯಾಚಾ ಹೆರ್ ಥೊಡ್ಯಾ ಪ್ರತಿನಿಧಿಕ್ ಹ್ಯಾವಿಶಿಂ ತರ್ಭೆತಿ ದಿತೆಲ್ಯಾಂವ್. ಫಿರ್ಗಜೆಚ್ಯಾ ಹರ್ಯೆಕಾ ಕುಟ್ಮಾನ್ ಹ್ಯೆ ಸಮೀಕ್ಷೆಕ್ ಸಂಪೂರ್ಣ್ ಸಹಕಾರ್ ದೀಂವ್ಕ್ ಬಿಸ್ಪಾನ್ ವಿನಂತಿ ಕೆಲ್ಯಾ. ಎಪ್ರಿಲ್ ಮಹಿನ್ಯಾಂತ್ ಪ್ರತಿನಿಧಿ ತುಮ್ಚ್ಯಾ ಘರಾ ಯೆತನಾ ತುಮ್ಚೊ ಸಹಕಾರ್ ದಿಂವ್ಚೊ. ಮೇ 15 ತಾರಿಕೆ ಭಿತರ್ ಸಮೀಕ್ಷೆಚೊ ವಿವರ್ ವಿಗಾರ್ ಜೆರಾಲಾಕ್ ಪಾವಿತ್ ಕರುಂಕ್ ಆಸಾ.
ಕರೆಜ್ಮಾಚಿ ಉರೊವ್ಣಿಂ ಟಂಜಾನಿಯಾ ಮಿಸಾಂವಾಂಕ್ ತಶೆಂಚ್ ಪಿರ್ಗಜೆಚಾ ಪಿಡೆಸ್ತಾಂಚಾ ಚಿಕಿತ್ಸಾ ಖಾತಿರ್ ಜಾವ್ನೆಸ್ತೆಲಿ. ಕರೆಜ್ಮಾಚಾ ಅಖ್ರೇಕ್ ಆಮ್ಚಿ ಉರೊವ್ಣಿಂ ಬೊಕ್ಸಾಂತ್ ವಾ ಫಿರ್ಗಜ್ ಧಪ್ತರಾಕ್ ದೀಂವ್ಕ್ ವಿನಂತಿ.
ಘರಾ ಬೆಜ್ಮೆಂತಾ: ಮಾರ್ಚ್ 25 ತಾರಿಕೆರ್ ಸೊಮಾರಾ ಬಾಳೊಕ್ ಜೆಜು ವಾಡೊ
ಮಾರ್ಚಾಚಾ 31 ತಾರಿಕೆರ್ ಪಯ್ಲ್ಯಾ ಮಿಸಾ ಉಪ್ರಾಂತ್ ಗೊವ್ಳಿಕ್ ಪರಿಷದ್‍ಚಾ ಜಮಾತ್ ಆಸ್ತೆಲಿ. ಸರ್ವ್ ಸಾಂದ್ಯಾನಿ ಚುಕಾನಾಸ್ತಾ ಹಾಜರ್ ಜಾಂವ್ಚೆಂ.
ಎಪ್ರಿಲಾಚಾ 7 ತಾರಿಕೆರ್ ಆಯ್ತಾರಾ ಪಯ್ಲ್ಯಾ ಮಿಸಾ ಉಪ್ರಾಂತ್ ಪಯ್ಲ್ಯಾ ಕುಮ್ಗಾರಾಚಾ ಭುರ್ಗ್ಯಾಂಚಾ ವ್ಹಡಿಲಾಂಚಿ ಜಮಾತ್ ಆಸ್ತೆಲಿ. ವ್ಹಡಿಲಾಂನಿ ಚುಕಾನಾಸ್ತಾಂ ಹಾಜರ್ ಜಾಂವ್ಕ್ ವಿನಂತಿ.
ಸೈಂಟ್ ಆಗ್ನೇಸ್ ಸ್ಪೆಷಲ್ ಸ್ಕೂಲ್, ಭುರ್ಗ್ಯಾಂಕ್ ಶಿಕೊಂವ್ಕ್, ಶಿಕ್ಷಕಾಂಕ್ ತರ್ಭೆತಿ ಜೊಡುಂಕ್ ಅವ್ಕಾಸ್. ದೋನ್ ವರ್ಸಾಚೆಂ ಶಿಕಪ್ ಆಸ್ತೆಲೆಂ. ಕೋರ್ಸಾಕ್ ದಾಖಲ್ ಜಾಂವ್ಕ್ ಮನ್ ಆಸ್‍ಲ್ಲ್ಯಾಂನಿ ಚಡಿತ್ ವಿವರಾಕ್ ನೋಟಿಸ್ ಬೋರ್ಡ್ ಪಳಂವ್ಚೊ.
ಮಾಂಡ್ ಸೊಬಾಣ್ ಭುರ್ಗ್ಯಾಂಲೆ ಶಿಬಿರ್ ಮಾಂಡುನ್ ಹಾಡ್ತಾ. ವಿವರಾಕ್ ನೋಟಿಸ್ ಬೋರ್ಡ್ ಪಳಂವ್ಚೊ.