ಸಗ್ಳೊ ಹಫ್ತೋ   ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಸೆಕುಲರ್ ಕಾರ್ಮೆಲ್ ಸಾಂದ್ಯಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಅವಿಲಾಚಿ ಸಾಂ.ತೆರೆಜ್ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಲ್ಹಾನ್ ಕ್ರೀಸ್ತಿ ಸಮುದಾಯ್ ಸಮಿತಿಚಾ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಕ್ರೀಸ್ತಿ ಶಿಕ್ಷಣಾಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.

/ಆಜ್ ಧ್ಯಾನ್, ಆರಾದಾನ್ ಆನಿಂ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆಸಾ. ರಾಜಕೀಯ್ ಮುಕೆಲ್ಯಾಂ ಪಾಸೊತ್ ಆನಿ ದೇಶಾ ಖಾತಿರ್ ಪ್ರಾಣ್ ಅರ್ಪಿಲ್ಯಾ ಸೊಜೆರಾಂ ಪಾಸತ್ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್.

ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಫೆಬ್ರವರಿ 18:ಸಾಂ.ಕುರಿಯಾಕೊಸ್ ಎಲಿಯಾಸ್ ಚಾವರಾ, ಫೆಬ್ರವರಿ 22: ಸಾಂ.ಪೆದ್ರುಚೆಂ ಸಿಂಹಾಸನ್,  ಫೆಬ್ರವರಿ 23:ಸ್ಮಿರ್ನಾಚೊ ಸಾಂ.ಪೆÇಲಿಕಾರ್ಪ್

ಹ್ಯಾ ಹಫ್ತ್ಯಾಂತ್ ವಾಡ್ಯಾ ಜಮಾತ್

ಸಾಂ.ಅಂತೊನ್ ವಾಡೊ- ಜೋಸೆಫ್ ರಸ್ಕೀನ್ಹಾ-4.30ವೊರಾರ್

ವೆಲಂಕಣಿ ವಾಡೊ- ಆ್ಯಂಟೋನಿ ರೀಟಾ ಡೆಸಾ-4.00ವೊರಾರ್

ಜೆಜುಚೆಂ ಲ್ಹಾನ್ ಫುಲ್ ವಾಡೊ- ಫೆಡ್ರಿಕ್ ಡಿಸೋಜ-4.30ವೊರಾರ್.

ಅವಿಲಾಚಿ ಸಾಂ.ತೆರೆಜ್ ವಾಡೊ-ಎಲಿಜಾಬೆತ್ ಪಿರೇರಾ- 5.00ವೊರಾರ್

ವಾಡ್ಯಾ ಜಮಾತ್ ವಾಡ್ಯಾಂತ್ಲ್ಯಾ ಹರ್ಯೇಕಾ ಘರಾ ಆಸಾ ಕರುಂಕ್ ಮಾಂಡಾವಳ್ ಕರ್ಚಿ.

ಆಜ್ ಭುರ್ಗ್ಯಾಂಕ್ ದೊತೊರ್ನ್ ಆಸಾ. ವ್ಹಡಿಲಾಂನಿ ಯೇವ್ನ್ ಟೀಚರಾಂಕ್ ಮೆಳ್ಚೆಂ. ಟೀಚರಾಂನಿ ದೊತೊರ್ನಿವಿಶಿಂ ಮೌಲ್ಯ್‍ಮಾಪನ್ ಕ್ಲಾಸಿಂತ್ ಚಲವ್ನ್ ವ್ಹರ್ಚೆಂ. ಉಪ್ರಾಂತ್ 9.15ಚ್ಯಾ ಮಿಸಾ ವೆಳಾರ್ ಪರೀಕ್ಷೆಕ್ ತಯಾರಾಯ್ ಜಾವ್ನ್ ಭುರ್ಗ್ಯಾಂಚೆ ಸಮರ್ಪಣ್. ಭುರ್ಗ್ಯಾಂ ಪಾಸತ್ ವಿಶೇಷ್ ಮಾಗ್ಣೆಂ ಆಸ್ತೆಲೆಂ.

ಫೆಬ್ರವರಿ 24 ತಾರಿಕೆರ್ ಆಯ್ತಾರಾ ದೊತೊರ್ನಿಚೊ ದೀಸ್ ಆಚರಣ್ ಕರ್ತಾಂವ್. ಸದಾಂಯ್ ದೊತೊರ್ನಿಕ್ ಆಯಿಲ್ಲ್ಯಾಂಕ್, ಪರೀಕ್ಷೆಂತ್ ಅಧಿಕ್ ಅಂಕ್ ಜೊಡ್‍ಲ್ಲ್ಯಾಂಕ್ ತಶೆಂಚ್ ಬೈಬಲ್ ಕ್ವಿಜಾಚಿಂ ಇನಾಮಾಂ ತ್ಯಾ ದೀಸ್ ದಿತೆಲ್ಯಾಂವ್. ಭುರ್ಗ್ಯಾಂನಿ ತಶೆಂಚ್ ಘರ್ಚ್ಯಾ ವ್ಹಡಿಲಾಂನಿ ಹಾಜರ್ ಜಾಂವ್ಕ್ ವಿನಂತಿ.

ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ದಿಯೆಸೆಜಿಚೊ ಸಮಾವೇಶ್ ಮಾರ್ಚ್ ಮಹಿನ್ಯಾಚಾ 4ತಾರಿಕೆರ್ ಸಕಾಳಿಂ 9ಥಾವ್ನ್ ದನ್ಪಾರಾಂ 1ವೊರಾಂ ಪರ್ಯಾಂತ್ ಕುಲ್ಶೇಕರ್ ಹೊಲಾಂತ್ ಮಾಂಡುನ್ ಹಾಡ್ಲಾಂ. ಹರ್ಯೆಕಾ ಫಿರ್ಗಜೆಥಾವ್ನ್ 5ಜಣಾಂಕ್ ಭಾಗ್ ಘೆಂವ್ಕ್ ಅವ್ಕಾಸ್ ಆಸಾ.

2018ವ್ಯಾ ವರ್ಸಾಚಿ ನಮಾನ್ ಬಾಳೊಕ್ ಜೆಜು ಅಮೂಲ್ಯ್ ಆಕಾಶ್ ಖೆಳಾ ಪ್ರಶಸ್ತಿ  ಸಾಂ ಜುಜೆ ವಾಡ್ಯಾಚಾ, ವಿನಿಝಿಯಾ ಕಾರ್ಲೊಕ್ ಫಾವೊ ಜಾತಾ. ತಾಕಾ ಆಮ್ಚ್ಯೆ ಅಭಿನಂದನ್.

ಮಂಗ್ಳುರ್ ದಿಯೆಸೆಜೆ ಆಸಾ ಕೆಲ್ಲ್ಯಾ ಸಾತ್ವ್ಯಾ ಕ್ಲಾಸಿಚ್ಯಾ ಕ್ರೀಸ್ತಿ ಶಿಕ್ಷಣ್ ಪಬ್ಲಿಕ್ ಪರೀಕ್ಷೆಂತ್ ಆಮ್ಚ್ಯಾ ಫಿರ್ಗಜೆಚ್ಯಾ, ಕಾರ್ಮೆಲ್ ವಾಡ್ಯಾಚ್ಯಾ ಪ್ರೀಮಲ್ ಸ್ನೇಹಾ ಡಿಕುನ್ಹಾನ್ 99ಅಂಕ್ ಜೋಡ್ನ್ ಪ್ರಥಮ್ ಸ್ಥಾನ್ ಆಪ್ಣಾಯ್ಲಾಂ. ತಾಕಾ ಆಮಿ ಉಲ್ಲಾಸ್ ಪಾಟಯ್ತಾಂವ್.

ಪದ್ವಾ ಕೊಲೆಜಿಚ್ಯಾ ರಂಗ್‍ಮಂಚಾರ್ ಫೆಬ್ರವರಿ 17 ತಾರಿಕೆಥಾವ್ನ್ 20ತಾರಿಕ್ ಪರ್ಯಾಂತ್ ಸಾಂಜೆರ್ 6ವೊರಾರ್ ಬಹುಭಾಷಾ ನಾಟಕ್ ಆಸಾ ಕೆಲ್ಯಾತ್. ವಿವರ್ ನೋಟಿಸ್ ಬೋರ್ಡಾರ್ ಆಸಾ.

ಫೆಬ್ರುವರಿ 18ತಾರಿಕ್ ಸೊಮಾರಾ ಥಾವ್ನ್ ಕುಟ್ಮಾಚಿ ಭೆಟ್, ಆಶೀರ್ವಾದ್ ಆನಿ ಘರ್ ಬೆಜ್ಮೆಂತಾಂ ಸಾಂಜೆರ್ 6 ಥಾವ್ನ್ 8.30ವೊರಾಂ ಪರ್ಯಾಂತ್ ಕರ್ತೆಲ್ಯಾಂವ್. ತುಮ್ಚ್ಯಾ ಘರಾ ಯೆಂವ್ಚೊ ದೀಸ್ ತುಮ್ಕಾಂ ಪಯ್ಲೆಂಚ್ ತಿಳ್ಸಿತೆಲ್ಯಾಂವ್. ಘರ್ ನಿತಳ್ ದವರ್ಚೆಂ. ಘರ್ಚ್ಯಾ ಸಾಂದ್ಯಾನಿ ಹಾಜರ್ ಆಸ್ಚೆಂ.

ಫೆಬ್ರವರಿ 18 ಆನಿ 19 – ಜೆಜುಚೆಂ ಲ್ಹಾನ್ ಫುಲ್ ವಾಡೊ

ಫೆಬ್ರವರಿ 20 ಆನಿ 21 – ಕಾರ್ಮೆಲ್ ವಾಡೊ

ಫೆಬ್ರವರಿ 22 ಆನಿ 25 – ವೆಲಂಕಣಿ ವಾಡೊ

ಫೆಬ್ರವರಿ 26 ಆನಿ 28 – ಲೂಡ್ಸ್ ವಾಡೊ

ಮೊಗಾಳ್ ಫಿರ್ಗಜ್‍ಗಾರಾಂನೋ, ಎದೊಳ್‍ಚ್ಚ್ ತುಮ್ಕಾಂ ಕಳಿತ್ ಆಸ್ಲ್ಯಾ ಪರ್ಮಾಣೆಂ ಫೆಬ್ರವರಿ 14ತಾರಿಕೆರ್ ಭಾರತಾಚಾ 42 ಸೈನಿಕಾಂನಿ ದೇಶಾ ಖಾತಿರ್ ಅಪೆÇ್ಲ ಪ್ರಾಣ್ ಅರ್ಪಿಲಾ. ಸಬಾರ್ ಸೈನಿಕ್ ಘಾಯೆಲ್ಯಾತ್. ದುಃಖಾತ್ ಆಸ್ಚ್ಯಾ ತಾಂಚ್ಯಾ ಕುಟ್ಮಾಂಚ್ಯಾ ಸಾಂದ್ಯಾ ಪಾಸತ್ ಆಮಿ ಮಾಗೊಂಕ್ ಜಾಯ್. ಮಿಸಾ ವೆಳಾರ್ ತಶೆಂಚ್ ಫಾಲ್ಯಾ ಸಾಂಜೆಚಾ ಆರಾಧಾನಾ ವೆಳಾರ್ ಹ್ಯಾ ತೆಸಾಂವಾಂ ಪಾಸತ್ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್.

Home | About Us | Sitemap | Contact

Copyright © 2013 - www.infantmarychurch.org. Powered by eCreators

Contact Us

INFANT MARY CHURCH
Bajjodi, Bikarnakatte,
Mangalore - 575 005, India

Contact : +91 97403 16900