10.02.2019, ಕಳವ್ಣಿ
ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಬಾಳೊಕ್ ಜೆಜು ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಸೆಕುಲರ್ ಕಾರ್ಮೆಲ್ ಸಾಂದ್ಯಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಕುಟ್ಮಾ ಹಿತಾ ಸಮಿತಿಚಾ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಪಾಂಚ್ವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
ಆಜ್ ಧ್ಯಾನ್, ಆರಾದಾನ್ ಆನಿಂ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆಸಾ. ಪರೀಕ್ಷೆಕ್ ತಯಾರಾಯ್ ಕರ್ಚ್ಯಾ ಭುರ್ಗ್ಯಾಂ ಪಾಸತ್ ಆಮಿ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಫೆಬ್ರವರಿ 11: ಲೂಡ್ಸ್ ಸಾಯ್ಭಿಣ್
ಹ್ಯಾ ಹಫ್ತ್ಯಾಂತ್ ವಾಡ್ಯಾ ಜಮಾತ್
ಲೂಡ್ಸ್ ವಾಡೊ- ಸೆಬಾಸ್ಟಿಯನ್ ಶಾಂತಿ ಲೋಬೊ- 5.00ವೊರಾರ್
ಸಾಂ.ಜುಜೆ ವಾಡೊ- ರೋಬರ್ಟ್ ಪಿಂಟೊ-4.00ವೊರಾರ್
ಬಾಳೊಕ್ ಜೆಜು ವಾಡೊ- ರೊಕ್ಕಿ ಟ್ರೆಸ್ಸಿ -4.30ವೊರಾರ್
ಬಾಳ್ ಮರಿ- ಫೆಲಿಕ್ಸ್ ಡಿಸೋಜ -4.00ವೊರಾರ್
ಕಾರ್ಮೆಲ್ ವಾಡೊ- ಎವ್ಜಿನ್ ಡಿಕುನ್ಹಾ-4.00 ವೊರಾರ್
ಆಜ್ ಫೆಬ್ರವರಿ 10 ತಾರಿಕ್ ಭುರ್ಗ್ಯಾಂಕ್ ದೊತೊರ್ನಿಚಿ ಪರೀಕ್ಷಾ ಆಸಾ. ಸರ್ವ್ ಭುರ್ಗ್ಯಾಂನಿ ವೆಳಾರ್ ಹಾಜರ್ ಜಾಂವ್ಕ್ ವಿನಂತಿ.
ಫೆಬ್ರೆರ್ 17 ತಾರಿಕೆರ್ ಆಯ್ತಾರಾ ಭುರ್ಗ್ಯಾಂಕ್ ದೊತೊರ್ನ್ ಆಸಾ. ತ್ಯಾ ದೀಸ್ ಭುರ್ಗ್ಯಾಂಚೆಂ ಫಲಿತಾಂಶ್. ವ್ಹಡಿಲಾಂನಿ ಯೇವ್ನ್ ಫಲಿತಾಂಶ್ ಪಳೆಂವ್ಚೆಂ. ಟೀಚರಾಂನಿ ಸಗ್ಳ್ಯಾ ವರ್ಸಾಚೆ ಮೌಲ್ಯ್‍ಮಾಪನ್ ಕ್ಲಾಸಿಂತ್ ಚಲವ್ನ್ ವ್ಹರ್ಚೆಂ. ಉಪ್ರಾಂತ್ 9.15ಚ್ಯಾ ಮಿಸಾ ವೆಳಾರ್ ಪರೀಕ್ಷೆಕ್ ತಯಾರಾಯ್ ಜಾವ್ನ್ ಭುರ್ಗ್ಯಾಂಚೆ ಸಮರ್ಪಣ್. ಭುರ್ಗ್ಯಾಂ ಪಾಸತ್ ವಿಶೇಷ್ ಮಾಗ್ಣೆಂ ಆಸ್ತೆಲೆಂ.
ಫೆಬ್ರವರಿ 24 ತಾರಿಕೆರ್ ಆಯ್ತಾರಾ ದೊತೊರ್ನಿಚೊ ದೀಸ್ ಆಚರಣ್ ಕರ್ತಾಂವ್. ಸದಾಂಯ್ ದೊತೊರ್ನಿಕ್ ಆಯಿಲ್ಲ್ಯಾಂಕ್, ಪರೀಕ್ಷೆಂತ್ ಅಧಿಕ್ ಅಂಕ್ ಜೊಡ್‍ಲ್ಲ್ಯಾಂಕ್ ತಶೆಂಚ್ ಬೈಬಲ್ ಕ್ವಿಜಾಚಿಂ ಇನಾಮಾಂ ತ್ಯಾ ದೀಸ್ ದಿತೆಲ್ಯಾಂವ್. ಭುರ್ಗ್ಯಾಂನಿ ತಶೆಂಚ್ ಘರ್ಚ್ಯಾ ವ್ಹಡಿಲಾಂನಿ ಹಾಜರ್ ಜಾಂವ್ಕ್ ವಿನಂತಿ. ಇನಾಮಾಂ ಸ್ಪೋನರ್ಸ್ ಕರುಂಕ್ ಕೊಣೆಂಯ್ ಮುಖಾರ್ ಯೆವ್ಯೆತ್.
ಫೆಬ್ರುವರಿ 18ತಾರಿಕ್ ಸೊಮಾರಾ ಥಾವ್ನ್ ಕುಟ್ಮಾಂಚೆರ್ ಆಶೀರ್ವಾದ್ ಆನಿ ಘರ್ ಬೆಜ್ಮೆಂತಾಂ ಸಾಂಜೆರ್ 6 ಥಾವ್ನ್ 8.30ವೊರಾಂ ಪರ್ಯಾಂತ್ ಕರ್ತೆಲ್ಯಾಂವ್. ತುಮ್ಚ್ಯಾ ಘರಾ ಯೆಂವ್ಚೊ ದೀಸ್ ತುಮ್ಕಾಂ ಪಯ್ಲೆಂಚ್ ತಿಳ್ಸಿತೆಲ್ಯಾಂವ್. ಘರ್ ನಿತಳ್ ದವರ್ಚೆಂ. ಘರ್ಚ್ಯಾ ಸಾಂದ್ಯಾನಿ ಹಾಜರ್ ಆಸ್ಚೆಂ. ಕುಟ್ಮಾಚಾ ಸಾಂದ್ಯಾಂನಿ ಬೈಬಲಾಂತ್ಲೆಂ ವಾಚಪ್ ಆನಿ ಪ್ರಾರ್ಥನಾಂಚಿ ತಯಾರಾಯ್ ಕರ್ಚಿ.
ವಾಚ್ಪಾಂ ಆನಿ ಪ್ರಾರ್ಥನಾಂ ಎದೊಳ್‍ಚ್ಚ್ ಗುರ್ಕಾರಾಲಾಗಿಂ ದಿಲ್ಯಾಂತ್. ಕುಟ್ಮಾಚ್ಯಾ ಸಾಂದ್ಯಾಂಚೊ ವಿವರ್ ಅಪ್‍ಡೇಟ್ ಕರುಂಕ್ ಆಸ್‍ಲ್ಲ್ಯಾನ್ ಫ್ಯಾಮಿಲಿ ಐಡಿ ಆಯ್ತಿ ದವರ್ಚಿ. ಖುಶೆಚಿ ಕಾಣಿಕ್ ದಿವ್ಯೆತ್.
ನಮಾನ್ ಬಾಳೊಕ್ ಜೆಜು ಪತ್ರಾನ್ ಆಸಾ ಕೆಲ್ಲ್ಯಾ ಜಾಗತಿಕ್ ಕವಿತಾ ಸಾದರ್ಪಣ್ ಸ್ಪರ್ಧ್ಯಾಚ್ಯಾ ಭುರ್ಗ್ಯಾಂಚ್ಯಾ ವಿಭಾಗಾಂತ್ ಆಮ್ಚ್ಯಾ ಫಿರ್ಗಜೆಚ್ಯಾ ಪ್ರೀಮಲ್ ಪಿಂಟೊನ್ ದುಸ್ರೆಂ ಸ್ಥಾನ್ ಆಪ್ಣಾಯ್ಲಾಂ. ತಾಕಾ ಆಮ್ಚೆ ಅಭಿನಂದನ್ ಪಾಟಯ್ತಾಂ.