ಹ್ಯಾ ಹಪ್ತ್ಯಾಂತ್ ಜಮೊ ಕೆಲ್ಲ್ಯೊ ವಸ್ತು ಕೇರಳಾಚಾ ವಯನಾಡಾಂತ್ಲ್ಯಾ ಲೊಕಾಂಕ್ ಫಾಲ್ಯಾಂ ದಾಡ್ನ್ ದಿತೆಲ್ಯಾಂತ್. ಹ್ಯಾ ಬರ್ಯಾ ಕಾಮಾಕ್ ದಿಲ್ಲೊ ಐವಜ್ ಆಲ್ವೆ ಜಾಗ್ಯಾಕ್ ಪ್ರೊವಿನ್ಸಾಂ ಮುಖಾಂತ್ರ್ ದಾಡ್ನ್ ದಿತೆಲ್ಯಾಂವ್. ಉದಾರ್ ಮನ್ ದಾಕಯ್ಲ್ಯಾ ಸರ್ವಾಂಕ್ ದೇವ್‍ಬರೆಂ ಕರುಂ.
ಸಗ್ಳೊ ಹಫೆÇ್ತ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಕಾರ್ಮೆಲ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಬುದ್ವಾರಾ ಪರ್ಯಾಂತ್ ಬಾಳೊಕ್‍ಜೆಜು ವಾಡ್ಯಾಗಾರಾಂನಿ ಕರ್ಚಿ. ಪೆÇರ್ವಾಂ ಆಯ್ತಾರಾ ಸಕಾಳಿಂಚ್ಯಾ ಮಿಸಾಕ್ ಕಾರ್ಮೆಲ್ ವಾಡ್ಯಾಚ್ಯಾ ಐಸಿವೈಯಮ್ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಕಾರ್ಮೆಲ್ ಅನಿ ಬಾಳ್‍ಮರಿ ವಾಡ್ಯಾಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ. ಮೊಂತಿ ಸಾಯ್ಭಿಣಿಚ್ಯಾ ಫೆಸ್ತಾಕ್ ತಯಾರಾಯ್ ಜಾವ್ನ್ ನೊವೆನಾಂ ಅಗೋಸ್ತ್ 30ತಾರಿಕೆರ್ ಬ್ರೆಸ್ತಾರಾ ಥಾವ್ನ್ ಪ್ರಾರಂಭ್ ಜಾತಾತ್. ಹ್ಯಾ ದಿಸಾಂನಿ ಸಾಂಜೆರ್ 5.45ವೊರಾರ್ ಮರಿಯೆಕ್ ಫುಲಾಂ ಅರ್ಪುನ್, ನೊವೆನ್ ಆಸ್ತೆಲೆಂ. ಫಿರ್ಗಜೆಂತ್ಲ್ಯಾ ಸರ್ವ್ ಭುರ್ಗ್ಯಾಂನಿ ತಶೆಂಚ್ ವ್ಹಡಾಂನಿ ಸಾಂಗಾತಾ ಫುಲಾಂ ಅರ್ಪುನ್ ಮರಿಯೆ ಮಾಯೆಚಿಂ ಆಶೀರ್ವಾದಾಂ ಜೊಡುನ್ ಘೆಂವ್ಚಿಂ. ನಮಿಯಾರ್ಲ್ಯಾ ವಾಡ್ಯಾಚ್ಯಾಂನಿ ನೊವೆನಾಚ್ಯಾ ದಿಸಾಂನಿ ದೇವ್‍ಸ್ತುತಿ ಚಲೊವ್ನ್ ವ್ಹರ್ಚಿ (ವಾಚ್ಪಾಂ ಆನಿ ಆರ್ಗಾಂ ಮಾಗ್ಣೆಂ) ಆನಿ ಫುಲಾಂ ಅರ್ಪಿಲ್ಲ್ಯಾ ಉಪ್ರಾಂತ್ ನಿತಳಾಯ್ ವಾಡ್ಯಾಗಾರಾಂನಿ ಕರ್ಚಿ.
ಆಜ್ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆನಿಂ ಆರಾಧಾನ್ ಆಸಾ. ಪರ್ಗವಾಂತ್ ವಾವುರ್ತೆಲ್ಯಾಂ ಪಾಸತ್ ಮಾಗ್ತೆಲ್ಯಾಂವ್.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಅಗೋಸ್ತ್:27-ಸಾಂ.ಮೊನಿಕಾ; ಅಗೋಸ್ತ್:28-ಸಾಂ.ಅಗೊಸ್ತಿನ್; ಅಗೋಸ್ತ್ 29:ಸ್ನಾನಿಕ್ ಜುವಾಂವ್ಕ್ ಶಿಸ್ ಕಾಪ್ಣಿಂ
ವಾಡ್ಯಾ ಜಮಾತ್
ಕಾರ್ಮೆಲ್ ವಾಡೊ-ನವೀನ್ ಶಾಲೆಟ್ ರಸ್ಕೀನ್ಹಾ -4.00ವೊರಾರ್
ಜೆಜುಚೆಂ ಪವಿತ್ರ್‍ಕಾಳಿಜ್ ವಾಡೊ- ಗೋಡ್ವಿನ್ ಸುಶ್ಮಾ ರಸ್ಕೀನ್ಹಾ-4.30ವೊರಾರ್
ಗಾಯನ್ ಕರ್ಚ್ಯಾ ಜಾಗ್ಯಾರ್ ನವಿ ಕರ್ಪೆಟ್ ಘಾಲ್ಯಾ ತಶೆಂಚ್ ಮಧೆಗಾತ್ ಘಾಲುಂಕ್ ರೆಡ್ ಕರ್ಪೆಟ್ ಆಮಿ ಹಾಡ್ಲ್ಯಾ. ಫೆಸ್ತ್ ಆನಿ ವಿಶೇಷ್ ಸಂಭ್ರಮಿಕ್ ಮಿಸಾಕ್ ಹಿ ಕರ್ಪೆಟ್ ಆಮಿ ವಾಪರ್ತೆಲ್ಯಾಂವ್. ಫೆಸ್ತಾಂ ಪರ್ಭೆಚಿ ಸೊಬಾಯ್ ಚಡಂವ್ಕ್ ಕ್ರಿಸ್ಟಲ್ ಲೈಟ್ಸ್ ಘಾಲ್ಚೆಂ ಯೋಜನ್ ಮುಕ್ಲ್ಯಾ ದಿಸಾಂನಿ ಬರ್ಯಾಮನಾಚಾ ವ್ಯಕ್ತಿ ಮುಖಾಂತ್ರ್ ಖಂಡಿತ್ ಸಾಧ್ಯ್ ಜಾತೆಲೆಂ.
ಹರ್ಯೆಕ್ ವರ್ಸಾ ಆಮಿಂ ಕುಟ್ಮಾ ಫೆಸ್ತ್ ಸಂಭ್ರಮ್ತಾಂವ್. ತ್ಯಾಚ್ಚ್ ಪರ್ಮಾಣೆಂ ಹ್ಯಾ ವರ್ಸಾಯ್ ಸಫ್ಟೆಂಬರ್ 8ತಾರಿಕೆರ್ ಮೊಂತಿ ಸಾಯ್ಭಿಣಿಚ್ಯಾ ಫೆಸ್ತಾ ದಿಸಾಚ್ಚ್ ಸಾಂಜೆರ್ ಆಚರಣ್ ಕರ್ತಾಂವ್. ಸಾಂಸ್ಕೃತಿಕ್ ಕಾರ್ಯೆ ತಶೆಂಚ್ ಕುಟ್ಮಾಚೆಂ ಜೆವಾಣ್ ಆಸ್ತೆಲೆಂ.
ಕುಟ್ಮಾ ಫೆಸ್ತಾಕ್ ಜಾಯ್ತೊ ಖರ್ಚ್ ಆಸಾ ಜಾಲ್ಲ್ಯಾನ್ ಮುರ್ದೊಮ್ ವಾ ಸ್ಪೋನ್ಸರ್ ದೀವ್ನ್ ಸಹಕಾರ್ ದಿಂವ್ಚೊ.
ಬಾಪ್ ಪೀಟರ್ ಪಾವ್ಲ್ ಸಲ್ಡಾನಾ ನವ್ಯಾ ಧರ್ಮಾಧ್ಯಕ್ಷಾಚೊ ದೀಕ್ಷೆ ಸಂಭ್ರಮ್ ಸಪ್ಟೆಂಬರ್ 15ತಾರಿಕೆರ್ ಸಕಾಳಿಂ 9.30ವೊರಾರ್ ರುಜಾಯ್ ಕಾಥೆದ್ರಾಲಾಂತ್ ಚಲ್ತಲೊ. ಹರ್ಯೆಕಾ ವಾಡ್ಯಾ ಥಾವ್ನ್ ಯೆಂವ್ಚ್ಯಾ ಜಣಾಂಚೊ ಆನಿ ವಾಹನಾಚೊ ಸಂಖೊ ಗುರ್ಕಾರಾ ಮಾರಿಫಾತ್ ಅಗೋಸ್ತ್ 27ತಾರಿಕೆ ಭಿತರ್ ಫಿರ್ಗಜ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ.
ಐಸಿವೈಎಮ್ ಸಾಂದ್ಯಾನಿ ವಾಡ್ಯಾವಾರ್ ಲಗೋರಿ ಸ್ಫರ್ಧೊ ಸಪ್ಟೆಂಬರ್ 2 ತಾರಿಕೆರ್ ಆಯ್ತಾರಾ ಸಾಂಜೆರ್ 3 ವೊರಾರ್ ಆಸಾ ಕೆಲಾ.
ಎಮ್‍ಸಿಸಿ ಬಾಂಕ್ಯಾಚಾ ಆಡ್ತಳೆ ಮಂಡಳೆಂತ್ ನಿದೇರ್ಶಕಾಂಚಾ ಹುದ್ದ್ಯಾಕ್ ಎಲಿಸಾಂವ್ ಫಾಲ್ಯಾಂ ಆಯ್ತಾರಾ ಸೈಂಟ್ ಎಲೋಶಿಯಸ್ ಹೈಸ್ಕೂಲಾಂತ್ ಚಲ್ತಲೆಂ. ವೇಳ್ ಸಕಾಳಿಂ 9 ಥಾವ್ನ್ ಸಾಂಜೆರ್ 4 ವೊರಾಂ ಪರ್ಯಾಂತ್.
ಆಜ್ ಆಟ್ವ್ಯಾ ಕ್ಲಾಸಿ ಥಾವ್ನ್ ಧಾವಿ ಕ್ಲಾಸಿ ಪರ್ಯಾಂತ್ಲ್ಯಾ ಭುರ್ಗ್ಯಾಂಕ್ ಬೈಬಲ್ ಕ್ವಿಜ್ ಆಸಾ. ಜೊಕ್ತಿ ತಯಾರಾಯ್ ಕರ್ಚಿ.
ಆಜ್ ದುಸ್ರ್ಯಾ ಮಿಸಾ ಉಪ್ರಾಂತ್ ಕ್ರೀಸ್ತಿ ಶಿಕ್ಷಣ್ ಶಿಕೊಂವ್ಚ್ಯಾ ಶಿಕ್ಷಕಾಂಚೆಂ ಮೀಟಿಂಗ್ ಆಸಾ. ಸರ್ವಾಂನಿ ಚುಕಾನಾಸ್ತಾನಾಂ ಹಾಜರ್ ಜಾಂವ್ಚೆಂ.
ಆಜ್ ವೈಸಿಯಸ್ ಭುರ್ಗಿಂ ಕಂಕ್ನಾಡಿ ಭಿತರ್ಲ್ಯಾ ಮಾದ್ರಿಂಚ್ಯಾ ಕೊವೆಂತಾಕ್ ಭೆಟ್ ದಿತೆÀಲಿಂ. ಸರ್ವ್ ವೈಸಿಎಸ್ ಭುರ್ಗ್ಯಾಂನಿ ಸಕಾಳಿಂ 7.30ವೊರಾರ್ ಇಗರ್ಜೆಲಾಗಿಂ ಯೆಂವ್ಚೆಂ.