ಅದ್ಲ್ಯಾ ಆಯ್ತಾರಾ ಮಿಸಾಂಚೆರ್ ಜಮೊ ಜಾಲ್ಲಿ ಕಾಣಿಕ್ 8797/ರುಪಯ್. ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ವೆಲಂಕಣಿ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಸಾಂ.ಅಂತೊನ್ ವಾಡ್ಯಾಗಾರಾಂನಿ ಕರ್ಚಿ. ಪೊರ್ವಾಂ ಆಯ್ತಾರಾ ಸಕಾಳಿಂಚ್ಯಾ ಮಿಸಾಕ್ ಐಸಿವೈಯಮ್ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಸಾಂ.ಜುಜೆ ವಾಡ್ಯಾಗಾರಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ. ಫಾಲ್ಯಾಂ ದುಸ್ರೆಂ ಮೀಸ್ ಆಸ್ಚೆನಾಂ. ಬಗಾರ್ ಸಾಂಜೆಚ್ಯಾ ರೆತಿರೆ ವೆಳಾರ್ ಮೀಸ್ ಆಸ್ತೆಲೆಂ.
ಆಯ್ತಾರಾ 6.30 ಚ್ಯಾ ಮಿಸಾಚಿ ದೇವ್ ಸ್ತುತಿ ಚಲೊವ್ನ್ ವೆಲ್ಲ್ಯಾ ಸಾಂ.ವಿಶೆಂತ್ ಪಾವ್ಲ್ ಸಭಾ ಸಾಂದ್ಯಾಂಕ್ ದೇವ್ ಬರೆಂ ಕರುಂ.
ಪಿಡೆಸ್ತಾಂಕ್ ಕುಮ್ಗಾರ್ ಸೊಮಾರಾ 5 ತಾರಿಕೆರ್ ಹಾಡ್ನ್ ಯೆತೆಲ್ಯಾಂವ್. ಜೊಕ್ತಿ ತಯಾರಾಯ್ ಕರ್ಚಿ.
(ಫಾಲ್ಯಾಂ/ಅಜ್) ಐಸಿವೈಯಮ್ ಮಿಟಿಂಗ್ ಆಸ್ತೆಲೆಂ.
ಸುಕ್ರಾರಾ ಸಾಂಜೆಚ್ಯಾ ಮಿಸಾ ಉಪ್ರಾಂತ್ ಲ್ಹಾನ್ ಕ್ರಿಸ್ತೀ ಸಮುದಾಯ್ ಮೀಟಿಂಗ್ ಆಸಾ.
ಯೆಂವ್ಚ್ಯಾ ಸನ್ವಾರಾ 10 ತಾರಿಕೆರ್ ಸಾಂಜೆಚ್ಯಾ ಮಿಸಾ ಉಪ್ರಾಂತ್ “ತೈಜೆ ಮಾಗ್ಣೆಂ” ಆಸಾ. ಸರ್ವ್ ಫಿರ್ಗಜ್‍ಗಾರಾಂನಿ ವಾಂಟೊ ಘೆಂವ್ಚೊ. ಐಸಿವೈಯಮ್ ಆನಿ ಗಾಯನ್ ಮಂಡಳಿ ಹೆಂ ಮಾಗ್ಣೆಂ ಚಲವ್ನ್ ವ್ಹರ್ತಾತ್.
ದೊತೊರ್ನಿಚೊ ದಿವಸ್ ಬರ್ಯಾ ರಿತಿನ್ ಜಾಲೊ. ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ದೇವ್ ಬರೆಂ ಕರುಂ. ಫುಡ್ಲ್ಯಾ ದಿಸಾಂನಿ ಭುರ್ಗ್ಯಾಂಕ್ ದೊತೊರ್ನ್ ನಾತ್ಲ್ಯಾರೀ, ತಾಣಿಂ ಸದಾಂ ಮಿಸಾಂತ್ ಆನಿ ಖುರ್ಸಾವಾಟೆಂತ್ ವಾಂಟೆಲಿ ಜಾಂವ್ಕ್ ವ್ಹಡಿಲಾಂನಿ ತಾಂಕಾಂ ಪ್ರೋತ್ಸಾಹ್ ದಿಂವ್ಚೊ.
ಘರ್ ಬೆಜ್ಮೆತಾಂ ಸಂಪ್ಲಿ. ಬೆಜ್ಮೆತಾಂ ವೆಳಾರ್ ಸಹಕಾರ್ ದಿಲ್ಲ್ಯಾ ಗುರ್ಕಾರ್/ ಗುರ್ಕಾರ್ನಿಂಚೊ, ಪ್ರತಿನಿಧಿಂಚೊ ಆನಿ ಖುಶೆಚಿ ಕಾಣಿಕ್ ದಿಲ್ಲ್ಯಾ ಸರ್ವಾಂಚೊ ಹಾಂವ್ ಉಪ್ಕಾರ್ ಭಾವುಡ್ತಾಂ. ಜರ್‍ತರ್ ಕೊಣಾಂಚಿ ಘರ್‍ಬೆಜ್ಮೆತಾಂ ಬಾಕಿ ಆಸ್ಲ್ಯಾರ್ ಫಿರ್ಗಜ್ ದಫ್ತರಾಕ್ ಮೆಳ್ಚೆಂ.
ಪಬ್ಲಿಕ್ ಪರೀಕ್ಷಾ ಬರಂವ್ಚ್ಯಾ ಪಿಯುಸಿ ಆನಿ ಧಾವಿ ಕ್ಲಾಸಿಚ್ಯಾ ಸರ್ವ್ ಭುರ್ಗ್ಯಾಂಕ್ ಬರೆಂ ಮಾಗ್ತಾಂ. ತಶೆಂಚ್ ವಾರ್ಶಿಕ್ ಪರೀಕ್ಷಾ ಬರಂವ್ಚ್ಯಾ ಸರ್ವ್ ಭುರ್ಗ್ಯಾಂಕ್ ಬರೆಂ ಮಾಗ್ತಾಂ. ಸರ್ವಾಂನಿ ಬರೆಂ ಕರ್ನ್ ಶಿಕೊನ್ ಪರೀಕ್ಷೆಂತ್ ಜೀಕ್ ಆಪ್ಣಾಂವ್ಚಿ.
ಸ್ತ್ರೀಯಾಂಚೊ ಬೃಹತ್ ಸಮಾವೇಶ್ ಮಂಗ್ಳುರ್ಚ್ಯಾ ಬೆಂದುರ್ ಸೈಂಟ್ ಆಗ್ನೇಸ್ ಸ್ಪೆಶಲ್ ಸ್ಕೂಲ್ ಮಯ್ದಾನಾರ್ ಮಾರ್ಚ್ 4 ತಾರಿಕೆರ್ ಆಯ್ತಾರಾ ಸಕಾಳಿಂ 9.30 ವರಾಂ ಥಾವ್ನ್ ದನ್ಪರಾಂ 1ವೊರಾ ಪರ್ಯಾಂತ್ ಜಾತಲೊ.
ಮಾರ್ಚ್ 8 ತಾರಿಕೆರ್ ಸ್ತ್ರೀಯಾಂಚೊ ದೀಸ್. ತ್ಯಾ ದೀಸ್ ಸಾಂಜೆಚ್ಯಾ ಮಿಸಾವೆಳಾರ್ ಸ್ತ್ರೀಯಾಂ ಪಾಸೊತ್ ಪ್ರತ್ಯೇಕ್ ಮಾಗ್ಣೆಂ ಅನಿ ಆಶೀರ್ವಾದ್ ಆಸ್ತೆಲೆಂ. ಮಿಸಾ ಉಪ್ರಾಂತ್ ಮಟ್ವೆಂ ಕಾರ್ಯೆಂ ಅಸ್ತೆಲೆಂ.