ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಬಾಳ್ ಮರಿ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ವೆಲಂಕಣಿ ವಾಡ್ಯಾಗಾರಾಂನಿ ಕರ್ಚಿ. ಪೊರ್ವಾಂ ಆಯ್ತಾರಾ ಸಕಾಳಿಂಚ್ಯಾ ಮಿಸಾಕ್ ಸಾಂ.ವಿಶೆಂತ್ ಪಾವ್ಲ್ ಸಭಾ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಸಾಂ.ಅಂತೊನ್ ವಾಡ್ಯಾಗಾರಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ. ಫಾಲ್ಯಾಂ ದುಸ್ರೆಂ ಮೀಸ್ 9 ವೊರಾರ್ ಆಸ್ತೆಲೆಂ.
ಆಜ್/ಫಾಲ್ಯಾಂ ಪವಿತ್ರ್ ಸಭೆಚೆಂ ಮಾಗ್ಣೆಂ ಆಸಾ.
ಫಾಲ್ಯಾಂ/ಆಜ್ (ಫೆಬ್ರವರಿ 25ಕ್) ದೊತೊರ್ನಿಚೊ ದಿವಸ್. ಸರ್ವ್ ಭುರ್ಗ್ಯಾಂನಿ ಹರ್ಶೆಂಚೆ ಬರಿಂ ದೊತೊರ್ನಿಕ್ ಯೆಂವ್ಚೆಂ. ಮೀಸ್ 9 ವೊರಾರ್ ಪ್ರಾರಂಭ್ ಜಾತೆಲೆಂ. ಉಪ್ರಾಂತ್ ಮೊಟ್ವೆಂ ಕಾರ್ಯೆಂ ಫಿರ್ಗಜ್ ಹೊಲಾಂತ್ ಆಸ್ತೆಲೆಂ. ಭುರ್ಗ್ಯಾಂಸಂಗಿಂ ವ್ಹಡಿಲಾಂನಿ ಹಾಜರ್ ಆಸೊಂಕ್ ಜಾಯ್. ತಶೆಂಚ್ ಸರ್ವ್ ಫಿರ್ಗಜ್‍ಗಾರಾಂನಿ ತಾಂಕಾಂ ಪ್ರೋತ್ಸಾಹ್ ದಿಂವ್ಚೊ.
ವಾಡ್ಯಾ ಜಮಾತ್ : ಬಾಳೊಕ್ ಜೆಜು ವಾಡೊ – ಜೆರಾಲ್ಡ್ ಸೆಲಿನ್ ಡಿಸೋಜ - 4.00 ವೊರಾರ್
ಪಾಸ್ಕಾಂ ಫೆಸ್ತಾಕ್ ತಯಾರಾಯ್ ಜಾವ್ನ್ ಪ್ರಾಚಿತ್ ಕಾಳಾಚಿ ರೆತಿರ್ ಮಾರ್ಚ್ 2 ಥಾವ್ನ್ 4 ತಾರಿಕ್ ಸುಕ್ರಾರಾ, ಸನ್ವಾರಾ ಆನಿ ಆಯ್ತಾರಾ ಮ್ಹಣಾಸರ್ ಸಾಂಜೆರ್ 5 ಥಾವ್ನ್ 8.30 ಮ್ಹಣಾಸರ್ ಆಸ್ತೆಲಿ. ಬಾಪ್ ಸುನಿಲ್ ಹಿ ರೆತಿರ್ ಚಲೊವ್ನ್ ವ್ಹರ್ತೆಲೆ. ಸರ್ವ್ ಫಿರ್ಗಜ್‍ಗಾರಾಂನಿ ವ್ಹಡಾ ಸಂಖ್ಯಾನ್ ಹಾಜರ್ ಜಾವ್ನ್ ಅತ್ಮಿಕ್ ಬರೆಂಪಣ್ ಜೋಡ್ನ್ ಘೆಂವ್ಕ್ ವಿನಂತಿ ಕರ್ತಾಂವ್.
ಕರೆಜ್ಮಾಚಿ ಉರೊವ್ಣಿ ಟನ್ಜಾನಿಯಾ ಮಿಸಾಂವಾಂ ಖಾತಿರ್ ಜಾವ್ನಾಸ್ತೆಲಿ.
ಹ್ಯಾ ಹಫ್ತ್ಯಾಂತ್ ಘರ್ ಬೆಜ್ಮೆತಾಂ
24/2/2018 ಸನ್ವಾರಾ - ಲೂಡ್ಸ್ ವಾಡೊ
26/2/2018 ಸೊಮಾರಾ - ಅವಿಲಾ ವಾಡೊ
27/2/2018 ಮಂಗ್ಳಾರಾ - ಬಾಳೊಕ್ ಜೆಜು ವಾಡೊ
01/3/2018 ಬ್ರೆಸ್ತಾರಾ - ಸಾಂತ್ ಅಂತೊನ್ ವಾಡೊ ಆನಿ ಸಾಂ. ಜುಜೆ ವಾಡ್ಯಾಚಿಂ ಉರ್‍ಲ್ಲಿಂ ಘರಾಂ.
ಬೆಜ್ಮೆತಾಂ ಸಾಂಜೆರ್ 5 ವೊರಾರ್ ಪ್ರಾರಂಭ್ ಕರ್ತೆಲ್ಯಾಂವ್.
ಕಥೊಲಿಕ್ ಸಭೆಚ್ಯಾ ಮುಖೆಲ್ಪಣಾರ್ ಮಂಗ್ಳುರ್ ಆನಿ ಉಡುಪಿಚ್ಯಾ ಚರಿತ್ರೆಂತ್ ಪಯ್ಲೆ ಪಾವ್ಟಿಂ ಕೆನರಾ ಕಥೊಲಿಕ್ ಸ್ತ್ರೀಯಾಂಚೊ ಬೃಹತ್ ಸಮಾವೇಶ್ ಮಂಗ್ಳುರ್ಚ್ಯಾ ಬೆಂದುರ್ ಸೈಂಟ್ ಆಗ್ನೇಸ್ ಸ್ಪೆಶಲ್ ಸ್ಕೂಲ್ ಮಯ್ದಾನಾರ್ ಜಾತಲೊ. ಮಾರ್ಚ್ 4 ತಾರಿಕೆರ್ ಆಯ್ತಾರಾ ಸಕಾಳಿಂ 9.30 ವರಾಂ ಥಾವ್ನ್ ದನ್ಪರಾಂ 1 ವೊರಾ ಪರ್ಯಾಂತ್ ಜಾಂವ್ಚ್ಯಾ ಹ್ಯಾ ವಿಶೇಷ್ ಕಾರ್ಯಾಚೆಂ ಅಧ್ಯಕ್ಷ್‍ಪಣ್ ಮಂಗ್ಳುರ್ಚೆ ಗೊವ್ಳಿಕ್ ಬಾಪ್ ಘೆತಾತ್. “ಪ್ರಗತಿಪರ್ ಸಮಾಜೆಖಾತಿರ್ ಕೆನರಾ ಕಥೊಲಿಕ್ ಸ್ತ್ರೀಯಾಂಚೆ ಮುಕೆಲ್ಪಣ್” ಮ್ಹಳ್ಳೊ ಧ್ಯೆಯ್ ಘೆವ್ನ್ ಜಾಂವ್ಚ್ಯಾ ಹ್ಯಾ ಸಮಾವೇಶಾ ವೆಳಾರ್ ವಿಶೇಷ್ ಸಾಧನ್ ಕೆಲ್ಲ್ಯಾ ಸ್ತ್ರೀಯಾಂಕ್ “ಕಥೊಲಿಕ್ ಸಭಾ ಸ್ತ್ರೀ ಸಾಧನ್ ಪ್ರಶಸ್ತಿ - 2018” ಪುರಸ್ಕಾರ್ ಆನಿ ತ್ಯಾ ದೀಸ್ ಸಕಾಳಿಂ 8.30 ವರಾರ್ ಕದ್ರಿ ಮಲ್ಲಿಕಟ್ಟೆ ಥಾವ್ನ್ ಸಮಾವೇಶ್ ಜಾಗ್ಯಾಕ್ ಪರಿಸರ್ ಜಾಗೃತಿ ರ್ಯಾಲಿ ಆಸ್ತೆಲಿ. ಸಮುದಾಯ ಖಾತಿರ್ ಆಮ್ಚೊ ಎಕ್ವಟ್ ದಾಕಂವ್ಕ್ ಹೊ ಏಕ್ ಭಾಂಗ್ರಾಳೊ ಆವ್ಕಾಸ್. ವ್ಹಡಾ ಸಂಖ್ಯಾನ್ ಆಮ್ಚ್ಯಾ ಫಿರ್ಗಜೆಚ್ಯೊ ಸ್ತ್ರೀಯೊ, ದಾದ್ಲೆ ಆನಿ ಯುವಜಣ್ ಹಾಜರ್ ಜಾವ್ನ್ ಸಮಾವೇಶ್ ಯಶಸ್ವಿ ಕರುಂಕ್ ತುಮ್ಕಾಂ ಉಲೊ ದಿತಾಂ.
ಜರ್ ಕೊಣಾಂಚಿ ವೋಟರ್ ಐಡಿ ಜಾವ್ನಾಂ, ತಾಣೆಂ ಎಡ್ರೆಸ್ ಪ್ರೂಫ್ ಆನಿ ಫೋನ್ ನಂಬರ್ ದಫ್ತರಾಕ್‍ ಹಾಡ್ನ್ ದೀಂವ್ಕ್ ವಿನಂತಿ.
ಮಾರ್ಚ್ 4 ತಾರಿಕೆರ್ ದನ್ಪಾರಾಂ 2 ಥಾವ್ನ್ ಸಾಂಜೆರ್ 7.30 ಪರ್ಯಾಂತ್ ಬೊಂದೆಳ್ಚೆ ಐಸಿವೈಯಮ್ ಸಾಂದೆ, ಬೊಂದೆಲ್ ಫಿರ್ಗಜೆಂತ್ ಅರ್ಧ್ಯಾ ದಿಸಾಚಿ ರೆತಿರ್ ಮಾಂಡುನ್ ಹಾಡ್ತಾತ್. ತುಮ್ಕಾಂ ಮೊಗಾಚೆಂ ಅಪವ್ಣೆಂ.