ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಸಾಂ. ಅಂತೊನ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಸಾಂ. ಜುಜೆ ವಾಡ್ಯಾಗಾರಾಂನಿ ಕರ್ಚಿ. ಪೊರ್ವಾಂ ಆಯ್ತಾರಾ ಸಕಾಳಿಂಚ್ಯಾ ಮಿಸಾಕ್ ಆಧ್ಯಾತ್ಮಿಕ್ ಸಮಿತಿ ಸಾಂದ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ. ದುಸ್ರ್ಯಾ ಮಿಸಾಕ್ ಸವಿ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ. ಹ್ಯಾ ಹಫ್ತ್ಯಾಚ್ಯಾ ಅರಾಧಾನಾ ವೆಳಾರ್ ಆಮಿಂ ಪರ್ಗವಾಂತ್ ವಾವ್ರ್ ಕರ್ತೆಲ್ಯಾಂ ಪಾಸೊತ್ ಮಾಗ್ತೆಲ್ಯಾಂವ್. ಸೆಕುಲಾರ್ ಕಾರ್ಮೆಲಿತ್ ಸಾಂದೆ ಅರಾಧಾನ್ ಚಲೊವ್ನ್ ವರ್ತಾತ್.

ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಅಕ್ಟೋಬರ್ 11 : ಭಾಗೆವಂತ್ ಜುವಾಂವ್ ತೆವಿಸಾವೊ

ವಾಡ್ಯಾ ಜಮಾತ್:

ವೆಲಂಕಣಿ ವಾಡೊ - ಸಿರಿಲ್ ಸ್ಟೆಲ್ಲಾ ಡಿಸೋಜಾ - 4.00 ವೊರಾರ್

ಬಾಳ್ ಮರಿ ವಾಡೊ - ಬೇಜಿಲ್ ಐರಿನ್ ಡಿಸೋಜಾ - 4.00 ವೊರಾರ್

ಹ್ಯಾ ಮಹಿನ್ಯಾಂತ್ ಹರ್ಯೇಕಾ ವಾಡ್ಯಾಚಾ ಕೋರ್ ಕಮಿಟಿಚಾ ದೊಗಾಂ ಸಾಂದ್ಯಾನ್ ದುಸ್ರ್ಯಾ ವಾಡ್ಯಾಚಾ ವಾಡ್ಯಾ ಜಮಾತೆಂತ್ ಹಾಜರ್ ಜಾಂವ್ಕ್ ವಿನಂತಿ. (ಲ್ಹಾನ್‍ಫುಲ್ - ಕಾರ್ಮೆಲ್, ವೆಲಂಕಣಿ - ಬಾಳ್‍ಮರಿ, ಪವಿತ್ರ್ ಕಾಳಿಜ್ - ಸಾಂ.ಅಂತೊನ್, ಸಾಂ.ಜುಜೆ - ಲೂಡ್ರ್ಸ್, ಅವಿಲಾ - ಬಾಳೊಕ್ ಜೆಜು)

ದೊತೊರ್ನಿಚ್ಯಾ ಪರೀಕ್ಷೆಚೆಂ ಫಲಿತಾಂಶ್ ಅಕ್ಟೋಬರ್ 8 ತಾರಿಕೆರ್ (ಆಜ್/ಫಾಲ್ಯಾಂ) ಆಸ್ತೆಲೆಂ ಜಾಲ್ಲ್ಯಾನ್, ಭುರ್ಗ್ಯಾಂಚ್ಯಾ ವ್ಹಡಿಲಾಂನಿ ತ್ಯಾ ತ್ಯಾ ಕ್ಲಾಸಿಚ್ಯಾ ಶಿಕ್ಷಾಕಾಂಕ್ ಮೆಳೊನ್ ಫಲಿತಾಂಶ್ ಘೆಂವ್ಚೆಂ.

(ಆಜ್/ಫಾಲ್ಯಾಂ) ಮಾಲ್ಘಡ್ಯಾಂಚೊ ದೀಸ್ ಆಚರಣ್ ಕರ್ತಾಂವ್. ನಾಂವಾಂ ದಿಲ್ಲ್ಯಾ ಮಾಲ್ಘಡ್ಯಾಂನಿ, 10.30 ವೊರಾಂಚೆರ್ ಮಿಸಾಚ್ಯಾ ಬಲಿದಾನಾಕ್ ಫಿರ್ಗಜ್ ಹೊಲಾಂತ್ ಜಮೊ ಜಾಂವ್ಚೆಂ. ಮಿಸಾ ಉಪ್ರಾಂತ್ ಥಂಯ್ಚರ್‍ಚ್ಚ್ ಡಾ. ನವೀನ್ ರೊಡ್ರಿಗಸ್ ಭಲಾಯ್ಕೆ ವಿಶ್ಯಾಂತ್ ಮಾಹೆತ್ ದಿತಲೆ, ಮಟ್ವೆಂ ಸಾಂಸ್ಕೃತಿಕ್ ಕಾರ್ಯೆಂ ಉಪ್ರಾಂತ್ ಜೆವಾಣ್ ಆಸ್ತೆಲೆಂ. ಕುಟ್ಮಾಹಿತಾ ಸಮಿತಿಚೆ ಸಾಂದೆ ಹಿಂ ಕಾರ್ಯೆಂ ಚಲವ್ನ್ ವ್ಹರ್ತಾತ್.

ವಾಡ್ಯಾವಾರ್ ಮೊಡ್ಲಾಂ ಥಾವ್ನ್ ಕಲಾಕೃತಿ ಸ್ಪರ್ಧೊ ಬರ್ಯಾ ರಿತಿನ್ ಜಾಲಾ. ಸ್ಪರ್ಧೊ ಮಾಂಡುನ್ ಹಾಡ್ಲ್ಯಾ ಸಾಂಸ್ಕøತಿಕ್ ಸಮಿತಿಚಾ ಸಾಂದ್ಯಾಕ್, ಭಾಗ್ ಘೆತ್‍ಲ್ಲ್ಯಾ ಸರ್ವಾಂಕ್ ದೇವ್ ಬರೆಂ ಕರುಂ. ವಿಜೇತಾಂ: ಪಯ್ಲೆಂ - ಸಾಂ. ಅಂತೊನ್ ವಾಡೊ, ದುಸ್ರೆಂ - ವೆಲಂಕಣಿ ವಾಡೊ ಆನಿ ತಿಸ್ರೆಂ - ಜೆಜುಚೆಂ ಪವಿತ್ರ್ ಕಾಳಿಜ್ ವಾಡೊ.

ಅಕ್ಟೋಬರ್ 3 ತಾರಿಕೆರ್ ಚಲ್‍ಲ್ಲ್ಯಾ ಜನ ಸಂಪರ್ಕ ಸಭೆಕ್ ವ್ಹಡಾ ಸಂಖ್ಯಾನ್ ಹಾಜರ್ ಜಾಲ್ಲ್ಯಾ ಸರ್ವಾಂಕ್ ದೇವ್ ಬರೆಂ ಕರುಂ. ಹೆಂ ಕಾರ್ಯೆಂ ಮಾಂಡುನ್ ಹಾಡ್ಲ್ಯಾ ನಾಗರಿಕ್ ಸಮಿತಿಚೆ ಸಂಚಾಲಕ್ ಜೋನ್ ಫೆರ್ನಾಂಡಿಸ್ ತಶೆಂಚ್ ಸಮಿತಿಚಾ ಸರ್ವ್ ಸಾಂದ್ಯಾಕ್ ದೇವ್ ಬರೆಂ ಕರುಂ.

ಮಿಸಾಂವ್ ಆಯ್ತಾರಾಕ್ ತಯಾರಾಯ್ ಜಾವ್ನ್ ದಿಲ್ಲಿಂ ಮಿಸಾಂವಾಂಚಿ ಕವಾರಾಂ ಅಕ್ಟೋಬರ್ 19 ತಾರಿಕೆ ಭಿತರ್ ದಫ್ತರಾಕ್ ಗುರ್ಕಾರ್/ಗುರ್ಕಾರ್ನಿನಿ ಪಾವಿತ್ ಕರುಂಕ್ ವಿನಂತಿ ಕರ್ತಾಂವ್. ತಶೆಂಚ್ ಮಿಸಾಂವಾಚೆ ಕರ್ಡೆಂ ಆಮಿ ಆದ್ಲ್ಯಾ ವರ್ಸಾ ಭುರ್ಗ್ಯಾಂಕ್ ತಶೆಂಚ್ ಥೊಡ್ಯಾ ವ್ಹಡಿಲಾಂಕ್ ದಿಲ್ಲೆ, ತೆ ತಾಣಿಂ ಆಯ್ತಾರಾ ನಾಂ ತರ್ ಸೊಮಾರಾ ಹಾಡ್ನ್ ಪಾವಿತ್ ಕರ್ಚೆ.

ನಮಾನ್ ಬಾಳೊಕ್ ಜೆಜು “ಯುವ ಪ್ರತಿಭಾ ಪುರಸ್ಕಾರ್ 2017” ಮಾಂಡುನ್ ಹಾಡ್ತಾ. ಹ್ಯಾ ವಿಶಿಂ ಸವಿಸ್ತಾರ್ ವಿವರಾಕ್ ನೋಟಿಸ್ ಬೋರ್ಡ್ ಪಳಂವ್ಚೊ. ತಶೆಂಚ್ ಪ್ರಕೃತಿ ಕಲಾಕೃತಿ ಸ್ಪರ್ಧೊ ನವೆಂಬರ್ 12 ತಾರಿಕೆರ್ ಮಾಂಡುನ್ ಹಾಡ್ಲಾ. ವಿವರಾಕ್ ನೋಟಿಸ್ ಬೋರ್ಡ್ ಪಳಂವ್ಚೊ.

ಸಿಟಿ ವಾರಾಡೊ ಧಾವಿ ಕ್ಲಾಸಿಚ್ಯಾ ಭುರ್ಗ್ಯಾಂಕ್ ಜೀವನ್ ಜ್ಯೋತಿ ಶಿಬಿರ್ ಹ್ಯಾ ಮಹಿನ್ಯಾಚ್ಯಾ 18, 19 ಆನಿ 20 ತಾರಿಕೆರ್ ಚಲ್ತೆಲೆಂ.

ಸಿಟಿ ವಾರಾಡೊ ಅಲ್ತಾರ್ ಭುರ್ಗ್ಯಾಂಚೆ ಶಿಬಿರ್ ಕೊರ್ಡೆಲಾಂತ್ ನವೆಂಬರ್ 6 ತಾರಿಕೆರ್ ಸಾಕಾಳಿಂ 8.30 ಥಾವ್ನ್ ಸಾಂಜೆರ್ 4 ವೊರಾಂ ಪರ್ಯಾಂತ್ ಆಸ್ತೆಲೆಂ.

ನವೆಂಬರ್ 5 ತಾರಿಕೆರ್ "ಸ್ಫೋಟ್ಸ್ ಡೇ" ಆಸಾ ಕೆಲಾಂ. ಸ್ಪರ್ಧಿಕಾಂಚಿ ನಾಂವಾಂ ವಾಡ್ಯಾಂಕ್ ದಿಲ್ಲ್ಯಾ ಪ್ರವೇಶ್ ಪತ್ರಾಚೆರ್ ಗುರ್ಕಾರ್/ಗುರ್ಕಾರ್ನಿಚ್ಯಾ ದಸ್ಕತೆ ಸವೆಂ ಫಿರ್ಗಜ್ ದಫ್ತರಾಕ್ ಅಕ್ಟೋಬರ್ 16 ತಾರಿಕೆ ಭಿತರ್ ಪಾವಿತ್ ಕರುಂಕ್ ವಿನಂತಿ. ಇನಾಮಾಂ ತಶೆಂಚ್ ಇತರ್ ಖರ್ಚಾಕ್ ಪೋಷಕ್ ಜಾಂವ್ಕ್ ಆವ್ಕಾಸ್ ಆಸಾ. ಪೋಷಕಾಂಚಿ ನಾಂವಾಂ ಪ್ಲೇಕ್ಸಾರ್ ಘಾಲ್ತೆಲ್ಯಾಂವ್.

ಫಿರ್ಗಜ್ ಧಪ್ತರಾ ಮುಖಾರ್ ವಾಚ್ಪಾ ಬೂಕ್ ತಶೆಂಚ್ ವಾಚ್ಪಾಚೊ ವಿವರ್ ಆಸ್ಚೊ ನೋಟಿಸ್ ಬೋರ್ಡ್ ಆಸಾ. ಸಕ್ಡಾಂನಿ ವಾಚ್ಪಾಂ ಹ್ಯಾ ಜಾಗ್ಯಾರ್ ಪ್ರಾಕ್ಟೀಸ್ ಕರ್ನ್ ಇಗರ್ಜೆಂತ್ ವಾಚುಂಕ್ ವಿನಂತಿ.

ಅಕ್ಟೋಬರಾಚ್ಯೆ 21 ಆನಿ 22 ತಾರಿಕೆರ್ ಸಾಂಜೆರ್ 4 ಆನಿ 7 ವೊರಾರ್, ಡೊನ್ ಬೊಸ್ಕೊ ಹೊಲಾಂತ್ "ಮೊಗಾನ್ ತುಜ್ಯಾ" ಹೆಂ ಕೊಂಕಣಿ ಫಿಲ್ಮ್ ದಾಕಯ್ತಲೆ. ಟಿಕೆಟಿಚಿ ದರ್ ಶೆಂಬರ್ ರುಪಯ್. ತುಮ್ಚೊ ಸಹಕಾರ್ ದಿಂವ್ಚೊ.

 

 

Home | About Us | Sitemap | Contact

Copyright © 2013 - www.infantmarychurch.org. Powered by eCreators

Contact Us

INFANT MARY CHURCH
Bajjodi, Bikarnakatte,
Mangalore - 575 005, India

Contact : +91 97403 16900